शैलवद् गुरुतरीकृतं क्वचित्
तूलव लघुतरीकृतं क्वचित् ॥ ५९ ॥
कुण्डलोल्लिखितगण्ड रेखया
हारहीरलुठितस्तनाग्रया ।
उत्सुकोऽपि दयितोऽनुरक्तया
नान्वगृह्यत रते महेलया ॥ ६० ॥
अन्ययोरभिनवानुरागयो-
र्मुग्धयोरनतिरू[१]ढदाक्ष्ययोः ।
मन्मथेन गुरुणोपदर्शिता
नैपुणी रतिविधौ तयोरभूत् ॥ ६१ ॥
स्रस्त कुन्तला विकीर्णमालया
घृष्टचन्दन पयोधरान्तथा ।
श्रान्तया श्रमजवारिसिक्तया
कान्तवक्षसि सुषुप्तमेकया ॥ ६२ ॥
वक्षसि श्वसितकम्पितौ[२] स्तनौ
रेजतुर्निधुवने मृगोदृशः ।
मारुतक्षुभितवी चिचञ्चलौ
चक्रवाकविहगाविवाम्भसि ॥ ६३ ॥
योषितां प्रियतमोपगूहने
मौक्तिकैर्हृदि निवेशितैरिव ।
स्वेदवारिपृषतैर्विनिस्सृतं
गण्डयोर्गलितपत्रलेखयोः ॥ ६४ ॥
