विशुद्धवर्णी विमलां गुणाढ्यां
मालां मनोज्ञामिव कन्यकायाः ॥ १८ ॥
प्रस्थानमधैव कुरुष्व वीर !
प्रष्टो भवामि प्रहतो हि पन्थाः ।
इति प्रतस्थे प्रथमं तपस्वी
ततोऽपि चेतः प्रथमं नृपस्य ॥ १९ ॥
अथ प्रतापं प्रथयन् पृथिव्यां
प्रसारयन् दिक्षु यशोमयूखान् ।
घनान्तरालादिव घर्मरोचिः
सेनानिवेशान्निरगान्नरेन्द्रः ॥ २० ॥
तत्रैव सैन्यं सकलं निवेश्य
सारं समाहत्य ययौ य [१]थार्हम् ।
सत्त्वाधिकानां हि सुनीतिभाजां
पुंसामतन्त्रं परिवारसम्पत् ॥ २१ ॥
आनन्दयन् नाकजुषः स राजा
वित्रासयन् विद्विषतां मनांसि ।
उत्कण्ठयन् वर्त्मनि नीलकण्ठान्
ययौ घनध्वानभृता रथेन ॥ २२ ॥
अस्यानुकूलेन समीरणेन
रथाङ्गनिष्पेषभवः परागः ।
दूरान्निरस्तः पथि दक्षिणेन
नीचो ह्यचक्षुष्यतमः प्रभूणाम् ॥ २३ ॥
