धातुद्रवक्षोभितरक्तधारा-
स्तिर्यग्दधानस्तटनिर्झराणाम् ।
नित्यं हिमानीघनकच्छुराङ्गः
सि[१]रासु यो विद्ध इवावभाति ॥ ४६ ॥
अम्बुच्छटामंशुकसन्निकाशां
महानदीनां बहुधा तु भिन्नाम् ।
बिभर्ति यः काञ्चनरत्नकान्तिं
महानदीनां बहुधातुभिन्नाम् ॥ ४७ ॥
गौरीशरीर[२]च्छुरितार्धभाग-
मर्धेन्दुपीयूषनिषिक्तनेत्रम् ।
पश्यन्ति यस्मिन् परमेश्वराख्यं
तज्जङ्गमं ब्रह्म समाधिभाजः ॥ ४८ ॥
नालीकरागेण समुज्ज्वलेन
कृशानुभावं वहते य एकः ।
नालीकरागेण वदामि किञ्चित्
कृशानुभावं कुरुते व मेरुम् ॥ ४९ ॥
तमित्थमाराध्यगुणं गिरीन्द्र-
मुद्रीक्षमाणः सुचिरं पुरस्तात् ।
स जग्मुषां क्षोणिभृतामधीश-
स्तं तस्थुषा नाथमथानुमेने ॥ ५० ॥
अथास्य भूभर्तुरुपत्यकाया-
मुपेल वाहाः स्थपुटोपलायाम् ।
