एतत् पृष्ठम् परिष्कृतम् अस्ति
भामहालङ्कारः।
श्रीगणेशाय नमः।
प्रणम्य सार्वं सर्वज्ञ मनोवाकायकर्मभिः ।
काव्यालङ्कार इत्येष यथाबुडि विधास्यते ॥ १॥
धर्मार्थकाममोक्षेषु वैचक्षण्यं कलासु च ।
प्रीतिं करोति कीर्तिं च साधुकाव्यनिबन्धनम् ॥२॥
अधनस्येव दातृत्वं क्लीबस्येवास्त्रकौशलम् ।
अज्ञस्येव प्रगल्भत्वमकवेः शास्त्रवेदनम् ॥ ३ ॥
विनयेन विना का श्रीः का निशा शशिना विना ।
रहिता सत्कवित्वेन कीदृशी वाग्विदग्धता ।। ४ ।।
गुरूपदेशाध्येतु शास्त्र जडधियोऽप्यलम् ।
काव्यं तु जायते जातु कस्यचित प्रतिभावतः ॥५॥
उपयुषामपि दिवं सन्निबन्धविधायिनाम् ।
अस्ति एव निरातङ्क कान्तं काव्यमयं वपुः ॥ ६ ॥
रुणाई रोदसी चास्य यावत् कीर्तिरनश्वरी ।
तावत् किलोऽयमध्यास्ते सुकृती वैबुधं पदम् ॥७॥
अतोऽभिवाञ्छता कीर्ति स्थयसीमाभुवः स्थितैः ।
यत्ने, विदितवेयेन विधेयः काव्यलक्षणः ॥८॥
अस्य अपरं नाम काव्यालङ्कारः इति।
