३३
लिङ्गानि तस्मिन् देशे प्रसिद्धानि सन्ति । अतः स
देश: ' त्रैलिङ्ग' इति व्यवहृतः । तम् एनम् अन्ध्रदेशम् अधुना 'तैलिङ्गदेश' इति व्यवहरन्ति ॥
कुन्तलाः -- गोदावरीतीरे 'कुन्तलदेशः' सन्निविष्टः । अस्य प्रधानं नगरं [१]'प्रतिष्ठानं' नामासीत् । अत्र सुगृहीतनामा [२]शातवाहनो राजाभवत् ॥
कर्णाटाः-- अन्ध्रदेशाद् दक्षिणतः [३]'कर्णाटदेशः' । वनवासिदेश इति व्यवहृतो 'महिषकदेश’ - स्तत्रान्तर्गतः । महिषकदेशम् अद्यत्वे 'महीशूरराज्यम्' इति व्यवहरन्ति । अत्र प्रधाननगरं [४]'महिषपुरं' [५]'श्रीरङ्गपत्तनं' च । शातवाहनवंश्या इति प्रतीता राजान इदं पालयन्ति । एभिराद्रियमाणं महिषासुरमर्दनीक्षेत्रम् अस्य नगरस्य समीपे वर्तते ॥
द्रमिलाः--‘द्रमिलदेशः' कर्णाटदेशाद् अनन्तरोऽस्ति । अत्र [६]'चोलमण्डलवेला' पूर्वपर्वतश्रेण्या आसन्नपश्चिमभागाश्च केचिद् अन्तर्भवन्ति । [७]काञ्ची-
