एतत् पृष्ठम् परिष्कृतम् अस्ति
४५
भारते वसन्तः सर्वे हिन्दवस्तेषामेव सन्तानाः ॥
आर्याणां भारताक्रमणम् .
अथार्याः सहजाद् व्यवसायाद् ब्रह्मावर्तं ब्रह्मर्षिदेशं [१]मध्यदेशं चाक्रम्य क्रमेण विन्ध्यान्तस्य भारतस्य स्वामिनोऽभवन् । गच्छति काले दक्षिणापथं लङ्कां च तेषां प्रतापः प्रविवेश | अस्य भारताक्रमणस्याद्यन्तकालं [२]१६०० वर्षाणि वदन्ति ।
प्राञ्चो भारताभिजनाः
प्राग् आर्याणां प्रवेशात् पञ्चनदादिषु देशेषु जनवर्गा उभये प्रतिवसन्ति स्म ।
तेष्वेके मृगप्राया 'म्लेच्छा' 'राक्षसा' इति च शब्दिताः । प्रतीकारे यत्नवन्तोऽप्येते प्रबलैरार्यैः परिभूता बभूवुः । आर्यैर्जिताज्जिताच्च देशाद् अपसृत्य ते गिरीन् वनानि च प्रतिपेदिरे ।
