एतत् पृष्ठम् परिष्कृतम् अस्ति
४६
सम्प्रति मध्यभारते वङ्गविषये राजस्थाने दक्षिणापथे च यान् वन्यजातिवर्गान् पश्यामः, ते तेषां
सन्ताना [१]इत्यभिमानः ।
अपरे तु वर्गा: [२]'तुरेनिय'नामानः [३]शकस्थानादिभ्यो देशेभ्य आगताः । एत आर्याणाम् आज्ञाकरा भूत्वा मताचारान् परिगृह्णन्ति स्म ।
एषां च वंश्या आन्ध्रेषु द्रमिलेषु कर्णाटेषु केरलेषु चान्तर्भूता इत्यभिमानः ।
आर्याणां भाषा.
आर्याणां भाषा पुरा संस्कृतम् आसीत् । तदातदा दृष्टान् विषयान् अधिकृत्य तया भाषया ते बहून् ग्रन्थान् क्रमेण रचयाम्बभूवुः येषूपदिष्टम् अर्थं तद्वंश्याः प्रमाणयन्ति ।
ग्रन्थाश्च वेदो ब्राह्मणम् उपनिषद् इतिहासः स्मृतिः निरुक्तं शिक्षा व्याकरणं छन्दः कल्पो ज्यौतिषं गणितं साङ्ख्यं योगो बुद्धदर्शनं मीमांसा वैद्यकं पुराणम् इति नामभिः सप्रभेदाः प्रथन्ते ।
