पुटमेतत् सुपुष्टितम्
६१
॥ मालविकाग्निमित्रम् ॥
- । ततः प्रविशति पर्युत्सुको राजा प्रतीहारी च ।
- राजा । आत्मगतम् ।
- तामाश्रित्य श्रुतिपथगतामास्थया लब्धमूलः
- संप्राप्तायां नयनविषयं रूढरागप्रवालः ।
- हस्तस्पर्शे मुकुलित इव व्यक्तरोमोद्गतत्वात्
- कुर्यात्क्लान्तं मनसिजतरुर्मां रसज्ञं फलस्य ॥ १ ॥
- प्रकाशम् । सखे गौतम ।
- प्रतीहारी । [१]जेदु भट्टा । असंणिहिदो गोदमो ।
- राजा । आत्मगतम् । अये मालविकावृतान्तज्ञानाय प्रेषितः ।
- विदूषकः । प्रविश्य । [२]जेदु भवं ।
- राजा । जयसेने जानीहि क्व देवी धारिणी कथं वा सरुजचरणत्वाद्विनोद्यत इति ।
- प्रतीहारी । [३]जं देवो आणवेदि ।
- [ इति निष्क्रान्ता ।
- राजा । सखे को वृत्तान्तस्ते सख्यास्तत्रभवत्याः ।
- विदूषकः । [४]जो बिडालगहीदाए परहुदिआए ।
- राजा । सविषादम् । कथमिव ।
|
|
