पुटमेतत् सुपुष्टितम्
१०२
॥ पञ्चमोङ्कः ॥
- राजा । ततस्ततः ।
- परिव्राजिका । ततश्च
- तूणीरबन्धपरिणध्दभुजान्तरालम्
- आकर्णलम्बिशिखिपिच्छकलापधारि ।
कोदण्डपाणि निनदप्रतिरोधकानाम्
- आपातदुष्प्रसहमाविरभूदनीकम् ॥ १० ॥
- मालविका । भयं निरूपयति ।
- विदूषकः । १मा भआहि । अदिक्कन्तं ख्खु भअवदी कहेदि ।
- राजा । ततस्ततः ।
परिव्राजिका । ततो मुहूर्तं बध्दयुध्दास्ते पराङ्मुखोकृतास्तस्करैः
- सार्थवाहयोद्धारः।
- राजा । भगवति अतः परमिदानीं कष्टं श्रोतव्यम ।
- परिव्राजिका । ततः स मत्सोदर्यः
- इमां परीप्सुर्दुर्जातेः पराभिभवकातराम् ।
भर्तृप्रियः प्रियैर्भर्तुरानृण्यमसुभिर्गतः ॥ ११ ॥
- प्रथमा । २हंहो गर्दो तादो मरणं ।
- १. मा भीः । अतिक्रान्तं खलु भगवती कथयति ।
- २. हंहो गतस्तातो मरणम् ।
|
|
