पुटमेतत् सुपुष्टितम्
१०३
॥ मालविकाग्निमित्रम् ॥
- द्वितीया । १अदो ख्खु भट्टिदारिआए इअं समवथ्था संवुत्ता ।
- परिव्राजिका । बाष्पं विकिरति ।
- राजा । तनुभृतामीदृशी लोकयात्रा । न
- शोचितव्यस्तत्रभवान्सफलीकृतभर्तृपिण्डः ।
- परिव्राजिका । ततोहं मोहमुपागता यावत्संज्ञामुपलभे तावदियं
- दुर्लभदर्शना संवृत्ता ।
- राजा । महत्खलु कष्टमनुभूतं भगवत्या ।
- परिव्राजिका । ततो भ्रातृशरीरमग्निसात्कृत्वा
- पुनर्नवीकृतवैधव्यदुःखया मया त्वदीयं देशमवतीर्येमे काषाये गृहीते ।
- राजा । युक्तः सज्जनस्यैष पन्थाः । ततस्ततः ।
- परिव्राजिका । तत इयमप्याटविकेभ्यो वीरसेनं वीरसेनाद्देवीं
- गता देवीगृहे लब्धप्रवेशया मया पुनर्दृष्टा ।
- इत्येतदवसानं कथायाः ।
- मालविका । आत्मगतम् । २किं णु ख्खु संपदं भट्टा भणादि ।
- राजा । अहो परिभवोपहारिणो विनिपाताः । कुतः ।
- १. अतः खलु भर्तृदारिकाया इयं समवस्था संवृत्ता ।
- २. किं नु खलु सांप्रतं भर्ती भणति ।
|
|
