पुटमेतत् सुपुष्टितम्
२९
॥ मालविकाग्निमित्रम् ॥
- राजा । आत्मगतम् । अवसितो दर्शनार्थः। प्रकाशम् । दाक्षिण्यमवलम्य
- हरदत्त पर्युत्सुका एव वयम् ।
- हर० । अनुगृहीतोस्मि ।
।। नेपथ्ये ।।
- वैतालिकः। जयतु देवः । उपारूढो मध्यमह्न: सविता ।
- तथा हि ।
- पत्रच्छायासु हंसा मुकुलितनयना दीर्घिकापद्मिनीनां
- सौधान्यत्यर्थतापाद्वलभिपरिचयद्वेषिपारावतानि ।
- बिन्दूत्क्षेपात्पिपासुः परिपतति शिखी भ्रान्तिमद्वारियन्त्रं
- सर्वैरुलैः समग्रैस्त्वमिव नृपगुणैर्दीप्यते सप्तसप्तिः ॥१३॥ 10
- तथा हि ।
- विदूषकः।१अवि हा अविहा । ण्हाणभोअणवेला संवुत्ता अत्तहोदो । उइदवेलादिक्कमे चिइस्सआ दोसं उदाहरन्ति ।
- राजा । हरदत्त किं भणसि ।
- हर० । नास्त्यवकाशो मद्वचनस्य ।
- राजा । हरदत्तं विलोक्य । तेन हि त्वदीयमुपदेशं श्वो वयं द्रक्ष्यामः। 15
- विश्राम्यतु भवान् ।
- हर० । यदाज्ञापयति देवः ।
- [इति निष्कान्तः ।]
- १. अपि हा अपि हा । स्नानभोजनवेला संवृत्तात्रभवतः । उचितवेलातिक्रमे चिकित्सकादोषमुदाहरन्ति ।
|
16. B D विश्रम्यतु . |
