पुटमेतत् सुपुष्टितम्
३८
॥ तृतोयोङ्कः ॥
- राजा । स्पर्शं निरूप्य ।अभिजातः किल वसन्तः ।
- सखे पश्य
- आमत्तानां श्रवणसुभगैः कूजितैः कोकिलानां
- सानुक्रोशं मनसिजरूजः सह्यतां पृच्छतेव ।
- अङ्गे चूतप्रसवसुरभिर्दक्षिणो मारूतो मे
- सान्द्रस्पर्शः करतल इव व्यापृतो माधवेन ॥४॥
- सखे पश्य
- विदूषकः । 1पविस णिवुदिलाहाअ ।
- ।उभौ प्रविशतः।
- विदूषकः ।2भो वअस्स अवधाणेण दाव दिठ्ठिं देहि ।एदं स्वु भवन्तं विलोहइदुकामाए पमदवणलछ्छीए जुवईवेसलज्जाइत्त्तअं वसन्तकुसुमणेवथ्थअं गहिअं ।
- राजा । ननु विस्मयादवलोकयामि ।
- रक्ताशोकरुचा विशेषितगुणो बिम्बाधरालक्तकः
- प्रत्याख्यातविशेषकं कुरबकं श्यामावदातारुणम् ।
- आक्रान्ता तिलकक्रियापि तिलकैर्लीनद्विरेफाञ्जनैः
- सावज्ञेव मुखप्रसाधनविधौ श्रीर्माधवी योषिताम् ॥५॥
- १. प्रविश निर्वृतिलाभाय ।
- २. भो वयस्य अवधानेन तावद्दृष्टिं देहि । एतत्खलु भवन्तं विलोभयितुकामया प्रमदवनलक्ष्म्या युवतिवेषलज्जयितृकं वसन्तकुसुमनेपथ्यं गृहीतम् ।
|
|
