यागोऽपि नाकफलदो विधिना कुतश्चेत्
प्रायस्समग्रकरणं भुवि दुर्लभं तत् ।
कृष्यादिवन्न हि फलं यदि कर्मणि स्या-
द्दिष्ट्या यथोक्तिविरहे फल 1दुर्विधित्वम् ॥ १४ ॥
निस्स्वो भवेद्यदि गृही निरयी स नूनं
भोक्तुं न दातुमपि यः क्षमतेऽणुमात्रम् ।
पूर्णोऽपे 2पूर्ण 3मभिमन्तुमशक्नुवानो
4नो मन्यते भुवि शमं खलु तत्र तत्र ॥ १५ ॥
यावत्सु सत्सु परिपूर्तिरथो अमीषां
साधो गृहोपकरणेषु सदा विचारः ।
एकत्र संहतवतश्चितपूर्वनाश-
स्तच्चापयाति पुनरप्यपरेण योगः ॥ १६ ॥
एवं गुरौ वदति तज्जनको निनीषु-
रागच्छदत्र तनयं स्वगृहं गृहेशः ।
तेनानुनीय बहुलं गुरवे प्रदाप्य
वित्तं निकेतनमनायि गृहीतविद्यः ॥ १७ ॥
गत्वा निकेतनमसौ जननीं ववन्दे
सालिङ्ग्य तद्विरहजं 5परितापमौज्झत् ।
प्रायेण चन्दनरसादपि शीतलं त-
द्यत्पुत्रगात्रपरिरम्भणनामधेयम् ॥ १८ ॥
श्रुत्वा गुरोस्सदनतश्चिरमागतं तं
तद्वन्धु6ताऽऽयमदथ त्वरितेक्षणाय ।
प्रत्युद्गमादिमिरसावपि बन्धुताया
सम्भावनां व्यधित बित्तकुलानुरूपम् ॥ १९ ॥
^1 का. दुर्विधत्वम् ।
^2 क, पूर्ति ।
^3 का. ममुमत्तुमशक्नुवन्यो ।
^4 क. मोहेन शं न मनुते खलु तत्र तत्र ।
का. देहेन शं न मनुते खलु तत्र तत्र ।
^5 का. चिरताप ।
^6 का. रा।<reflist/>
