एतत् पृष्ठम् परिष्कृतम् अस्ति
१०१
श्रीमदभिनवगुप्ताचार्यकृतव्याख्योपेता
णमपि भवेदपि कस्यचित्[१] उपायाय, न तु तत्सकलदेशकालगतशिष्यविषयम् - इति नास्माभिः वितत्य विपश्चितम् , एतदनुभवयुक्त्यनुप्रविष्टानां च तदकार्यकरं, स्वकल्पनाभिश्च सुकरम् , अवस्थितं च, अन्येषां च एतदुपदेशानभि [२]ज्ञानां तदुपदेशनमपि अकिंचित्करम् , इत्यलमनेन प्रकृतविघ्नविधायिना । प्रस्तुतमनुसरामः- 'अ' आद्यो येषां स्वराणां, यदि वा
थकारेण सुखोच्चारणार्थेन सह अथ् आद्यो येषा-
पं. ५ ख• पु० एतावत्तदुपदेशेति पाठः ।
- ↑ यतः सर्वदेशेषु विपरीतैव वर्णरचना अतो न सर्वस्य उपायाय । कालभेदश्च इत्थमेव बोध्यः ।
- ↑ २ इत्थमत्र विवेकः
'निदाघतापतप्ताश्मपतिताब्बिन्दुवत्सदा ।
अन्तःस्पर्शं नो करोति मूढानामुपदेशगीः ।।'तथा चोक्तमन्येन
ज्ञेयत्वमप्युपगता हृदये न रोढुं
शक्ताः प्रमूढमनसामुपदेशवाचः ।
आर्दत्वमादधति किं नलिनीदलानां
श्लिष्टा निरन्तरतयापि नभोऽम्बुधाराः ॥इति ।