|
अशुचिश्चाप्यनाचार सर्वावस्था गतोऽपि[१] वा । |
इत्यादिभिः कीर्तन-स्मरणयोराशौचकालेऽपि अनुष्ठेयत्वोक्ते । किंच[२],
|
“ संकीर्तयेज्जगन्नाथं वेद वापि समीरयेत् । |
इत्यादिभिः देश-कालावस्थाधिकार्याद्यविशेषेण[३] वेदाभ्यास-ध्यान-यजनार्चन[४]स्थाने तुल्यफलतया संकीर्तनस्य विहितत्वात् , प्रपन्नाभिमतभगवत्प्रीतेश्च तावतैव सुलभत्वाच्च सर्वदेश-सर्वकालाधिकार्याद्यनुगुणं संकीर्तनमेव कर्मान्तरलोपकाले समुचितम् । विशेषतः कलिधर्मत्वाच्च[५] । कलौ युगे प्रयतस्यापि ह्यन्याशक्तस्य तदेव युक्तम् । यथाह भगवान् शौनक --' कीर्तनादेव कृष्णस्य मुक्तबन्ध, परं व्रजेत्' इति । अत एवाभिगमनस्य न कदाचिदपि लोप । अप्रयतस्यापि दूरावस्थितस्य[६] संकीर्तन-प्रणामाञ्जलिबन्ध-भाषास्तोत्र-लौकिकवाक्यमात्रपूर्वकप्रपदनैरपि तत्स्वरूपनिष्पत्ते ।
ननु [७]भागवतस्य सदाचार्यसकाशात् सम्यगधिगतवेदान्तस्य ब्रह्मवित्त्वेन सद्य शौचविधानादनुवृत्ताशौचासिद्धे कथं कर्मविलोप । मैवम् ।
- ↑ सर्वावस्थागतोऽपि-घ, ड, छ
- ↑ किंच इति शब्दो घ कोशे नास्ति
- ↑ अधिकार्यादिविशेषेण, घ, अधिकार्यादिविशेषेण विहितवेदाभ्यास-ख, ग, अधिकार्याद्यविशेषेण विहित वेदाभ्यास-क, झ.
- ↑ ध्यानजपार्चन-क, ख, ग, घ, च
- ↑ कालधर्मत्वाच्च-क, ख, ग
- ↑ दूरादवस्थितस्य-घ, ड, छ
- ↑ भागवतसदाचार्य-क,ख,छ,झ, भागवतस्य सदाचार्यस्य -घ भागवतसदाचार्य-क, ख, छ, झ , भागवतस्य सदाचार्यस्य-घ
