[१] प्रसादात् तत्रभवतः सानुजः सह सीतया ।
अगस्त्यमभिगच्छेयं अभिवादयितुं मुनिम् ॥ ३२ ॥
तत्रभवतः- पूज्यस्य ॥ ३२ ॥
मनोरथो महानेषः हृदि मे परिवर्तते ।
यद्यहं तं मुनिवरं शुश्रूपेयमपि स्वयम् ॥ ३३ ॥
मनोरथस्याभिनयः – यद्यमित्यादि ॥ ३३ ॥
इति रामस्य स मुनिः श्रुत्वा धर्मात्मनो वचः ।
सुतीक्ष्णः प्रत्युवाचेदं प्रीतो दशरथात्मजम् ॥ ३४ ॥
अहमध्येतदेव त्वां वक्तुकामः सलक्ष्मणम् ।
अगस्त्यमभिगच्छेति सीतया सह, राघव ! ॥ ३५ ॥
एतदेवेत्येतच्छब्दार्थः - अगस्त्यमित्यादि ॥ ३५ ॥
दिष्टया त्विदानीमर्थेऽस्मिन् स्वयमेव ब्रवीषि माम् ।
अहमाख्यामि ते, [२] वत्स ! यत्रागस्त्यो महामुनिः ॥ ३६॥
अस्मिन्नर्थे इति । मदुपदिदिक्षितार्थे इत्यर्थः ॥ ३६॥
योजनादाश्रमादसात् अभि चत्वारि वै ततः ।
दक्षिणेन महान् श्रीमान् अगस्त्यभ्रातुराश्रमः || ३७ ॥
योजनादाश्रमादस्मात् अभि चत्वारि वै ततः' इति पाङ्कः [३]। अस्मादाश्रमात् योजनादमि-अधिकं चत्वारि वै योजनानि पञ्च