यन्निमित्तस्तु रामस्य लक्ष्मणस्य विपर्ययः ।
न क्वचित् प्राप्तपूर्वी मे [१]संयुगेषु पराजयः || २३ ।।
युष्माकमेतत् प्रत्यक्षं नानृतं कथयाम्यहम् ।
देवराजमपि क्रुद्धः मतैरावत यायिनम् ॥ २४ ॥
वज्रहस्तं रणे हन्यां किं पुनस्तौ कुमानुपौ ।
सा तस्य गर्जितं श्रुत्वा राक्षसस्य महाचमूः ॥ २५ ॥
प्रहर्षमतुलं लेभे मृत्यु [२].पाशावपाशिता ।
समीयुश्च महात्मानः युद्धदर्शनकांक्षिणः ॥ २६ ॥
ऋपयो देवगन्धर्वाः सिद्धाश्च सह चारणैः ।
समेत्य चोचुः सहिताः तेऽन्योन्यं पुण्यकर्मणः ॥ २७ ॥
॥ ११ स्वस्ति गोब्राह्मणेभ्योऽस्तु [३] लोकानां [४]येऽपि संमताः ।
जयतां राघवः संख्ये [५]पौलस्त्यान् रजनीचरान् ॥ २८ ॥
चक्रहस्तो यथा युद्धे सर्वान् असुरपुङ्गवान् ।
एतच्चान्यच्च बहुश: ब्रुवाणाः परमर्षयः ।। २९ ।।
जातकौतूहलास्तत्र विमानस्थाश्च देवताः ।
ददृशुः वाहिनीं तेषां राक्षसानां [६]गतायुषाम् ॥ ३० ॥
एतदिति । न मे पराजयोऽभूत् इत्युक्तार्थतत्त्वमित्यर्थः ॥ ३० ॥
- ↑ संग्रामेषु ङ.
- ↑ पाशवशं गता- ङ
- ↑ ये लोकानां संमता:- गोब्राह्मणव्यतिरिक्ताः तेभ्यश्च स्वस्तीत्यर्थ:-ति. ये लोकसमता:-ल केप्सिताः, तेभ्य: गोब्राह्मणेभ्यः स्वस्त्यस्तु -रा.
- ↑ येऽमिसमता:-ङ..
- ↑ सर्वानसुरसत्तमान् - ङ..
- ↑ अल्पायुष इतिवत् गतायुष इति निन्दााक्यम् |
- ↑ पूर्व सैन्यसम्बद्ध एव तदप्रभागे स्थितः, इदानीं तु
सेनां बहुदूरे पृष्ठत: त्यक्ता स्त्रयमेवाग्रे गत इत्यर्थ:-ति. - ↑ उग्रसैन्यात्-ङ.
- ↑ इदम नास्ति-ज.
- ↑ निस्सृतं-ङ,
