[१]आमन्त्रये जनस्थाने कर्णिकारान् सुपुष्पितान् ।
क्षिप्रं रामाय शंसध्वं सीतां हरति रावणः ॥ ३१ ॥
हरतीति शंसध्वमिति योजना ॥ ३१ ॥
[२] [माल्यवन्तं शिखरिणं वन्दे प्रस्रवणं गिरिम् ।
क्षिप्रं रामाय शंस त्वं सीतां हरति रावणः ॥
हंसकारण्डवाकीर्णां वन्दे गोदावरी नदीम् ।
क्षिप्रं रामाय शंस त्वं सीतां हरति रावणः ||]
माल्यवन्तमित्यादिश्लोकद्वयं प्रक्षिपन्ति केचित् । प्राचीनपाठेऽस्ति ||
दैवतानि च यान्यस्मिन् चने विविधपादपे |
नमस्करोम्यहं तेभ्यः भर्तुः शंसत मां हृताम् ॥ ३२ ॥
यानि कानिचिदप्यत्र सवानि [३] निवसन्त्युत ।
सर्वाणि शरणं यामि मृगपक्षिगणानपि ॥ ३३ ॥
हियमाणां प्रियां भर्तुः प्राणेभ्योऽपि गरीयसीम् ।
विवशाऽपहृता सीता रावणेनेति शंसत |॥ ३४ ॥
विदित्वा मां महाबाहुः [४] अमुत्रापि महाबलः ।
आनेष्यति पराक्रम्य वैवस्वतहृतामपि ।। ३५ ।।
अमुत्र-परलोके । वैवस्वतहृतां वाऽपि मां शनैर्विदित्वा पराक्रम्य-पराक्रमं कृत्वा आनेष्यत्येव, अतो यूयं शंसतेति शेषः ।।