अवटे चापि मां, राम ! प्रक्षिप्य कुशली व्रज |
रक्षसां [१] गतसचानां एष धर्मः सनातनः ॥ २२ ॥
अवटे ये निधीयन्ते तेषां लोकाः सनातनाः ।
गतसत्त्वानां-गतप्राणानां । एष धर्मः इति । अवटनिक्षेप धर्म इत्यर्थः । सनातन इति - तथा हि - यवनेषु कलियुगराक्षसेषु तद्धर्मप्रवृत्तिः सनातना । उक्तार्थस्यैव विवरणं – अवट इत्यादि । य इति-मृता राक्षसा इत्यर्थः । लोका इति निर्ऋतिलोका इति यावत् ॥ २२ ॥
एवमुक्ता तु काकुत्स्थं विराधः शरपीडितः ॥ २३ ॥
[२]बभूव स्वर्गसंप्राप्तः न्यस्तदेहो महाबलः ।
न्यस्तदेह इति। अवटे निक्षिप्तदेह इत्यर्थः । तेन संस्कारेण स्वर्गं संप्राप्तः - 'द्वितीयाश्रिते 'ति नदन्तविध्याश्रयेण समासः छान्दसः ॥ २३ ॥
एवं बभूवेत्याद्यर्धेन संक्षिप्तस्यार्थस्य विस्तरोपदेशः - तच्छुत्वे- त्यादि । अवटनिक्षेपधर्मेण स्वर्गप्राप्तिवचनं श्रुत्वेत्यर्थः । कुञ्जर- स्येवेति - दुर्गन्धपरिहाराय मृतकुञ्जरस्य स्खननार्थमिवेत्यर्थः ॥ २५ ॥