एतत् पृष्ठम् परिष्कृतम् अस्ति
100
[अयोध्याकाण्ड:
भरतदुस्स्वप्नदर्शनम्
प्लवमानः- मेकादिवत् ॥ ९ ॥
ततस्तिलौदनं भुक्त्वा पुनः पुनरघश्शिराः ।
तैलेनाभ्यक्तसर्वाङ्गः तैलमेवावगाहत ॥ १० ॥
तिलमिश्रं ओदनं – तिलोदनम् । पिबन्नञ्जलिनेत्यादि तैलमेवावगाहत इत्यन्तं एकः स्वप्नः ॥ १० ॥
स्वप्नदर्शनान्तरमथाग्रेऽपि । उपरुद्धां, असुररक्षोभिरिति शेषः ॥
औपवाह्यस्य नागस्य विषाणं शकलीकृतम् ।
सहसाऽपि च संशान्तं ज्वलितं जातवेदसम् ॥ १२ ॥
औपवाह्यः -- राजवाहनार्हो दन्ती ॥ १२ ॥
[५] अवतीर्णां च पृथिवीं शुष्कांश्च विविधान् द्रुमान् ।
अहं पश्यामि विध्वस्तान् सधूमांश्चापि पर्वतान् ॥ १३ ॥
- ↑ स्वप्ने पितरं इत्यारभ्य गोमयह्रदे इत्यन्तमेकः स्वप्नः । पिबन्नित्यारभ्य अवगाहत इत्यन्तमपर: स्वप्नः इति युक्तम् । गोमयह्रदे इत्युक्त्वा तैलमेवावगाहत इत्यस्वारस्यप्रसंगात्। स्वप्नस्यापर्यनुयोज्यत्वेन समाधौ तु न किञ्चिदपि वक्तुं शक्यमिति ।
- ↑ इसन्निव-ङ.
- ↑ द्वितीयान्तानां सर्वेषां 'अहं पश्यामि' इत्यनेनान्वयः ।
- ↑ तमसाऽऽवृतामिव उपरुद्धां-तिरोहिताम्-गो.
- ↑ अवतीर्णां-अध: पतिताम्- गो.
