पुटमेतत् सुपुष्टितम्
334
[बालकाण्डः
गङ्गावतरणम्
तत्र देवर्षिगन्धर्वा वसुधातलवासिनः
भवाङ्गपतितं तोयं पवित्रमिति पस्पृशुः ॥ २६ ॥
भवाङ्गं–जटा ॥ २६ ॥
न केवलं पापसंहारमात्रं कृत्यं गङ्गायाः; अपि तु पुण्यलोक-प्रापणमपीत्युच्यते-पुनराकाशमित्यादि ॥ २८ ॥
मुमुदे मुदितो लोकस्तेन तोयेन भास्वता ।
कृताभिषेको गङ्गायां बभूव विगतक्लमः ॥ २९ ॥
दर्शनमात्रेण मुदितो लोकः विशिष्य स्नानपानादिना मुमुदे ॥
भगीरथोऽपि राजर्षिर्दिव्यं स्यन्दनमास्थितः ।
प्रायादग्रे महातेजास्तं गङ्गा पृष्ठतोऽन्वगात् ॥ ३० ॥
देवाः सर्पिगणाः सर्वे दैत्यदानवराक्षसाः ।
गन्धर्वयक्षप्रवराः सकिन्नरमहोरगाः ॥ ३१ ॥
सर्वाश्चाप्सरसो राम ! भगीरथ[३]रथानुगाः ।
गङ्गामन्वगमन् प्रीताः सर्वे जलचराश्च ये ॥ ३२ ॥
भगीरथरथानुगास्सन्तो गङ्गामन्वगमन् । एतेन स्वस्वपुरुषार्थप्रयोजना गङ्गासेवोपदिष्टा ॥ ३२ ॥