एतत् पृष्ठम् परिष्कृतम् अस्ति
अथ भरतवाक्यम्
एणीवधादात्तविरागभाव
ऐणद्वयस्यार्त्तिविचारमूढः
सः लक्ष्मणो लक्षणगौरवेण
वैरागिवीरैकधियं प्रपन्नः ।। १ ।।
काश्मीरदेशीययुवा सुबुद्ध:
व्याधो महान्नायकवृत्तिकल्पी ।
देशैकरक्षाधृतसत्यसन्धि:
वैर्यग्रणीर्वैरमुवाह दूतः ॥ । २ ।।
}}
आत्माभिमानी द्विविधां दधानः
गोविन्दगानेन गिराम् गिरिष्ठा:।
सः शौर्यधृन्मूढधियां विनेता
धैर्येण धीविक्रममाजुहाव ॥ ३ ॥
सुदर्शनः कौन्दनिरात्मलीनः ।
वैरागिवीरस्य मनोज्ञधैर्यम् ।
सम्भाव्य नारायणपौत्ररूपः
विद्यावतीमानधियासमेतः ॥ । ४ ।।
सौभाग्यतः काव्यधिया विनोदी
तं नामकं काव्यधिया शशंस ।
स्वं भारतं भारगतं विविच्य
तद्गौरवं मानधिया बबन्ध ॥ ५ ॥
( ६७ )
