पुटमेतत् सुपुष्टितम्
श्रीगणेशाय नमः
श्रुतबोधः
परीक्षोपकारिणी टीका-
तथा
भाषाऽनुवादसहितः ।
ग्रन्थप्रतिज्ञा ।
छन्दसां लक्षणं येन श्रुतमात्रेण बुध्यते ।
तमहं सम्प्रवक्ष्यामि श्रुतबोधमविस्तरम् ॥ १ ॥}}
अन्वयः-अहं अविस्तरं तं श्रुतबोधं सम्प्रवक्ष्यामि, येन श्रुतमात्रेण छन्दसां लक्षणं बुध्यते ।
अर्थ:-अहं-कालिदासः, न विद्यते विस्तर:-विस्तृतिः निष्प्रयोजनप्रतिपादनंमिति यावत् यस्मिन् तमविस्तरमुपयुक्तगर्भमिति भावः । तं-महाकविकृतत्वेन प्रसिद्धम्, श्रुतबोध-तदाख्यं छन्दो ग्रन्थं, सम्प्रवक्ष्यामि-निरूपयिष्यामि।
