हा[१]रीतः--
|
"अतिचारगते जीवे वृषेऽलौ मीनकुम्भयोः । |
दीपिकायाम्--
|
"त्रिकोणजायाधनलाभराशौ वक्रातिचारेण गुरुः प्रयातः । |
त्रिकोणेत्यादिकमर्थात्पाणिग्रहीतुरेव । त्रिकोणं नवमः पञ्चमश्च राशिः । जाया सप्तमराशिः । धनं द्वितीयो राशिः । लाभ एकादशो राशिः । तत्रेत्यर्थः ।
त्रयोदशदिनपक्षनिषेधमाह व्यासः--
|
"त्रयोदशदिने पक्षे विवाहादि न कारयेत् । |
आदिशब्देनोपयनादि । विवाहे दंपत्योः, आदिपदोपात्त उपनयन उपनेतुः, चौले शिशोः, इत्यादि द्रष्टव्यम् ।
क्षयपक्षः कदा पततीत्यपेक्षायां मदनरत्ने--
|
"पक्षस्य मध्ये द्वितिथी इते यदा तदा भवेद्रौरवकालयो[२]गः । |
|
त्रयोदशदिने पक्षे नूनं संहरते जगत् । |
इते गते । 'पक्षस्य मध्ये द्वितिथी पतेतां तदा भवेद्रौरवकालयोगः' इत्येवमपि कुत्रचित्पाठः । पतेतां क्षयं गच्छत इत्यर्थः ।
क्षयमासनिषेधो दीपिकायाम्--
|
"काम्यादिष्वखिलेषु कर्मसु परित्याज्यौ क्षयाख्योत्तरासंक्रान्ती" इति । |
पञ्चकनिषेधो व्यवस्था च ज्योतिर्निबन्धे--
|
"गततिथ्या युतं लग्नं नवभक्तावशेषकम् । |
