सूतिकोदक्ययोः शुद्ध्यै गां दद्याद्धोमपूर्वकमितिवचनप्रतिपादिता शुद्धिश्चतुर्थदिवसविषयिणी द्रष्टव्या । अत्र शुद्धिशब्देनाधिकार उच्यते । तथा च--अधिकाराय गां दद्याद्धोमपूर्वकमित्यर्थो भवति । होमपूर्वकमिति विहितो होमः कुश्मा(ष्मा)ण्डैरेव, कपर्दिकारिकासु पूर्वत्र तस्यैवोपक्रमात् ।
रजस्वलाविषये--
|
"दैवे कर्मणि पित्र्ये च पञ्चमेऽहनि शुध्यति" । |
इति वचनसिद्धस्य चतुर्थदिवसेऽनधिकारस्य बाधोऽनेन क्रियते ।
सूतिकाविषये तु "विंशतिरात्रं पुत्रप्रसूर्मासेन स्त्रीजननी" इत्यनेन प्रतिपादितस्यानधिकारस्यात्र बाधः ।
इयं वैधी शुद्धिः संकटविषये द्रष्टव्या ।
रजोदर्शनादिसंभावनायां नान्दीश्राद्धस्यापकृष्यानुष्ठाने विधिः स्मृत्यन्तरे--
|
"एकविंशत्यहर्यज्ञे विवाहे दश वासराः । |
चौले त्रयो वासरा उपनयने षड्वासरा इत्यर्थः ।
इति रजोदोषनिर्णयः ।
अथ विवाह आशौचपाते निर्णयः ।
याज्ञवल्क्यः--
|
"दाने विवाहे यज्ञे च सङ्ग्रामे देशविप्लवे । |
विष्णुः--
|
"व्रतयज्ञविवाहेषु श्राद्धे होमेऽर्चने जपे । |
प्रारम्भशब्दार्थस्तु प्रागेवोक्तः ।
विवाहे सद्यः शौचं केषामित्यपेक्षायां ब्रह्मपुराणे सद्यःशौचं प्रकृत्य--
|
"दातुः प्रतिग्रहीतुश्च कन्यादाने च नो भवेत् । |
अत्र दातृप्रतिग्रहीतृग्रहणं संस्कार्यसंस्कारकयोरुपलक्षणम् । चकाराद्दातृपत्नीकन्ययोर्ग्रहणम् ।
- ↑ क. ख. ङ. लाजाहो ।
