न्याया उपवासत्रयान्ते गव्यपयःपानपूर्वकं गोदानं विधीयते । अदृष्टरजसे कुमार्यै सरत्नभूषणदानेन विवाहयोग्यतोच्यते । तामुद्वहन्नित्यनेन वरस्य कुश्माण्डहोमेन तदुद्वाहयोग्यता प्रतिपाद्यते ।
कन्यया गोदानोत्तरं पादकृच्छ्रमपि कर्तव्यम् ।
|
"कन्यका तु विवाहात्प्राग्रजसा चेत्परिप्लुता । |
इति हेमाद्रौ स्मृत्यन्तरोक्तेः ।
बौधायनस्तु--
"अथ यदि कन्योपसाद्यमाना वोह्यमाना वा रजस्वला स्यात्तामनुमन्त्रयते--पुमांसौ मित्रावरुणौ पुमांसावश्विनावुभौ । पुमानिन्द्रश्च सूर्यश्च पुमांसं वर्धयत्वियमित्यथ द्वादशरात्रमलंकृत्य प्राशयेत्पञ्चगव्यं ततः शुद्धा भवति" इत्याह ।
उपसाद्यमाना दात्रा दीयमाना । उह्यमाना वरेण पाणिग्रहणेन । वाशब्दद्वयमुभयोः प्राधान्यं द्योतयितुम् ।
तस्या उपसाद्यमानाया उह्यमानाया वा पतने स एवाऽऽह--
- "अथ यदि कन्योपसाद्यमाना वोह्यमाना वा पतेत्तामुत्थापयेदुद-
- स्थाद्देव्यदितिर्विश्वरूप्यायुर्यज्ञपतावधात् । इन्द्राय कृण्वती भागं मित्राय
- वरुणाय च" इति ।
होमकाले रजोदर्शने तु यज्ञपार्श्वः--
|
"विवाहे वितते तन्त्रे होमकाल उपस्थिते । |
युञ्जानः प्रथमं मन इत्येकेनर्ज्मन्त्रेण साध्याऽऽहुतिर्युञ्जानाहुतिस्तां हुत्वेत्यर्थः ।
यदा तु दात्रभावेन रजोदर्शनं तदा विशेषमाह बौधायनः--
|
"त्रीणि वर्षाण्यृतुमती काङ्क्षेत पितृशासनम् । |
