पराशरोऽपि--
|
"कन्यां ददाति वृद्धाय नीचाय धनलिप्सया । |
([१] ब्रह्मवैवर्तेऽपि--
|
"वराय गुणहीनाय वृद्धाय ज्ञानिने तथा । |
वृद्धपदमत्यशक्तपरतालक्षकम् । ज्ञानिपदं विवाहानिच्छुपरतालक्षकम् । पङ्गुलः पादहीनः । अत्यन्तपापिने महापातकयुक्तायेत्यर्थः। अपिशब्दात्प्रतिग्रहीतुरपि दोषः। वैष्णवाय विष्णुभक्ताय । विष्णुशब्दः शिवाद्युपलक्षकः । विपदा विपद्रूपहेतुना धनलोभेन चेत्यर्थः ।)
याज्ञवल्क्यः--
|
"एतैरेव गुणैर्युक्तः सवर्णः श्रोत्रियो वरः । |
अत्र भ्रातृमत्त्वानन्यपूर्वत्वयवीयस्त्वरूपगुणत्रयभिन्नाः सर्वे गुणा अतिदिश्यन्ते । सवर्णः समानवर्णः । असपिण्डादिगुणातिदेशादुभयतःसापिण्ड्यनिवृत्तिरभिप्रेता । तेन वरनिरूपितं कन्यायां कन्यानिरूपितं च वरे पृथगेव सापिण्ड्यं न तु व्यासज्यवृत्ति उभयनिरूपितमेकमिति नवीनाः ।
- ↑ धनुश्चिह्नान्तर्गतो ग्रन्थः ख. पुस्तके नास्ति ।
