अथ मण्डपादि ।
तत्र वसिष्ठः--
"षोडशारत्निकं कुर्याच्चतुर्द्वारोपशोभितम् । |
द्विषट्करो द्वादशकरः ।
अन्यत्रापि--
"मङ्गलेषु च सर्वेषु मण्डपो गृहमानतः । |
गृहमानत इत्यस्य महति गृहे महान्मण्डपः । अल्पे न्यून इत्यर्थः । दशावधिरिति न्यूनताया अवधिः । अतो वसिष्ठोक्तोऽष्टहस्तो मण्डपोऽत्यन्तापद्विषयः । दशहस्तं तु रचयेदित्यपि कुत्रचित्पाठः । अस्मिन्पाठे संनिहितवचनविरोधाभावः स्पष्ट एव । स्तम्भैश्चतुर्भिरित्यत्र युक्तेति शेषः । इदं च वेदिविशेषणम् । इयं च वेदिर्देवकस्थापनार्था ।
पारिजाते नारदः--
"हस्तोच्छ्रितां चतुर्हस्तैश्चतुरश्रां समन्ततः । |
- अत्र प्रमाणं संस्कार्यायाः कन्यायाः ।
"कन्याहस्तैः पञ्चभिः सप्तभिर्वा कार्या वेदिः कूर्मपृष्ठोन्नता सा । |
आशिषैरिति च्छान्दसम् । एतेन वरप्रमाणस्यात्र कैश्चिद्ग्राह्यतोक्ता सा निरस्ता द्रष्टव्या । प्रागुदक्प्रवणा प्रागुदङ्निम्ना । सर्वेषां तृतीयान्तानां पदानां समलंकृतामित्यनेनान्वयः । धातुमयैः काष्ठमयैर्मार्तिकैर्वा हस्तिशुकादिभिः समः