एतत् पृष्ठम् परिष्कृतम् अस्ति
५
प्रथमः पटलः।
- एते संक्षेपतः प्रोक्ता रुद्रस्यांशास्तमोजुषः ।
- संहारिणोऽस्य जगतो घोररूपा विलक्षणाः ॥ ४२ ॥
- अथ ते सम्प्रवक्ष्यामि लीलादेहान् हरेः पृथक् ।
शुद्धसत्त्वमयान् शान्तान् लोकप्रेमास्पदान् शृणु ॥५०॥
य ईश एको भगवाननन्तो ब्रह्मस्वरूपो पुरुषोऽधियज्ञः ।
पातुं पुनर्विश्वमसौ स्वकार्यं भेजे तनूस्तं प्रणमामि कृष्णम् ॥५१॥
इति श्रीसात्वततन्त्रे शिवनारदसंवादे प्रथमः पटलः ॥ १ ॥
- अथ द्वितीयः पटलः ।
- श्रीशिव उवाच ॥
- अथ द्वितीयः पटलः ।
साक्षाद्वभूव भगवान् परिपातुमीशो
- वेदान् युगादिसमये हयशीर्षनामा ।
हत्वा सुरेतरवरौ मधुकैटभाख्यौ
- नस्तश्चकार विश्रुतीः श्रुतिभिर्विमृग्यः ॥ १ ॥
लोकान्नित्तिपरतां प्रचिकीर्षुरादौ
- भूत्वा चतुःसनतया भगवान् विमुक्त्यै ।
प्रोवाच योगममलं विशदाशयेभ्यो
- भोगान् विरक्तिपरता स्वयमाचचार ॥ २ ॥
देवेषु नारदतनुर्भगवान् विशुद्धं
- नैष्कर्म्ययोगमवहत्खलु पाञ्चरात्रम् ।
धर्म तथा भगवता कथितं विशेष-
- शिष्येष्वसौ परमनिर्वृतिमादधानम् ॥ ३ ॥
आदौ दधार धरणीधरणाय धातुः
- स्वायम्भुवोक्तिपरिपालककाल एव ।
नारायणोऽखिलगुरुगुरुकोलदेहं
- तेनाहनद्दितिसुतं दशनाग्रघातैः ॥ ४ ॥
