पृष्ठम्:Brihat Stotra Ratnakara 1912.djvu/१३६

१२८ बृहत्स्तोत्ररताकरे ० दितं दिगंबरं काशिकापुराधिनाथकालभैरवं भजे ॥ १ ॥ भानुकोटिभास्वरं भवाब्धितारकं परं नीलकंठमीप्सितार्थ- दायकं त्रिलोचनम् | कालकालमंबुजाक्षमक्षशूलमक्षरं काशिका० ॥२॥ शूलटंकपाशदंडपाणिमादिकारणं श्याम- कायमादिदेवमक्षरं निरामयम् । भीमविक्रमं प्रभुं विचित्र तांडवप्रियं काशिका० ॥३॥ भुक्तिमुक्तिदायकं प्रशस्तचारु- विग्रहं भक्तवत्सलं स्थितं समस्तलोकविग्रहम् । विनिक्कण- न्मनोज्ञ हेमकिंकिणीलसत्कटिं काशिका ० ॥४॥ धर्मसेतुपा- लकं त्वधर्ममार्गनाशकं कर्मपाशमोचकं सुशर्मदायकं वि भुम् । स्वर्णवर्णशेषपाशशोभितांगमंडलं काशिका० ॥५॥ रत्नपादुकाप्रभाभिरामपादयुग्मकं नित्यमद्वितीय मिष्टदैवतं निरंजनम् । मृत्युदर्पनाशनं करालदंष्ट्रमोक्षणं काशिका० ॥६॥ अट्टहासभिन्न पद्मजांडकोशसंततिं दृष्टिपातनष्टपाप- जालमुग्रशासनम् | अष्टसिद्धिदायकं कपालमालिकंधरं काशिका ० ॥७॥ भूतसंघनायकं विशालकीर्तिदायकं काशि- वासलोकपुण्यपापशोधकं विभुम् । नीतिमार्गकोविदं पु- रातनं जगत्पतिं काशिका० ॥८॥ कालभैरवाष्टकं पठति ये मनोहरं ज्ञानमुक्तिसाधनं विचित्रपुण्यवर्धनम् । शो- कमोहदैन्य लोभकोपतापनाशनं ते प्रयांति कालभैरवां- घिसंनिधिं ध्रुवम् ॥ ९ ॥ इति श्रीमच्छंकराचार्यविरचितं कालभैरवाष्टकं संपूर्णम् ॥