बृहद्यात्रा/अध्यायः २७
| ← अध्यायः २६ | बृहद्यात्रा अध्यायः २७ |
अध्यायः २८ → |
अध्यायः - २७ मङ्गलामङ्गल
सम्पाद्यताम्सिद्धार्थकादर्शपयोंजनानि बद्धैकपश्चामिषपूर्णकुम्भाः।
उष्णीषभृङ्गारनृवर्द्धमानपुंयानवीणातपवारणानि।
दधिमधुघृतरोचनाकुमार्यो ध्वजकनकाम्बुजभद्रपीठशंखाः।
सितवृषकुसुमाम्बराणि मीना द्विजगणकाप्तजनाश् च चारुवेषाः॥
ज्वलितशिखिफलाक्षतेक्षुभक्ष्या द्विरदमृदङ्कुशचामरायुधानि।
मरकतकुरुविन्दपद्मरागस्फटिकमणिप्रमुखाश् च रत्नभेदाः॥
स्वयम् अथ रचितान्य् अयत्नतो वा यदि कथितानि भवन्ति मङ्गलानि।
स जयति सकलां ततो धरित्रीं ग्रहणदृगालभनश्रुतैर् उपास्य॥
कार्पासौषधकृष्णधान्यलवणक्लीवास्थितैलावसाः
पङ्काङ्गारगुडाहिचर्मशकृतः क्लेशाय सव्याधिताः।
वातोन्मत्तजडेन्धनं तृणतुषक्षुत्क्षामतक्रारयो
मुण्डाभ्यक्तविमुक्तकेशपतिताः काषायिनश् चाशुभाः॥
पटुपटहमृदङ्गशंखभेरीपणवरवं सपताकतोरणाग्रम्।
प्रचुरकुसुमतोयशान्तरेणुं सुरभिसुवेषजनं व्रजेच् च मार्गम्॥E६