विज्ञाननौकाष्टकम्
| विज्ञाननौकाष्टकम् शङ्कराचार्यः १९५३ |
॥ विज्ञाननौकाष्टकम् ॥
तपोयज्ञदानादिभिश्शुद्धबुद्धिर्विरक्तोग्रजातिः परे तुच्छबुद्ध्या । परित्यज्य सर्वं यदाप्नोति तत्वं परं- ब्रह्मनित्यं तदेवाहमस्मि ॥ १
दयाळुं गुरुं ब्रह्मनिष्ठं प्रशान्तं समाराध्य भक्त्त्या
विचार्य स्वरूपम् । यदाप्नोति तत्त्वं निधिध्यस्य विद्वान् परं ब्रह्म नित्यं तदेवाहमस्मि ॥ २
यदानन्दरूपप्रकाशस्वरूपं निरस्तप्रपञ्चं परिच्छेद .
शून्यम् । अहं ब्रह्मवृत्त्यैकगम्यं तुरीयं परं ब्रह्मनित्यं तदेवाहमस्मि ॥ ३
यदज्ञानतो भाति विश्वं समस्तं प्रणष्टं च सद्यो-
यदात्मप्रबोधे । मनोवागतीतं विशुद्धं विमुक्तं परं. ब्रह्म नित्यं तदेवाहमस्मि ॥ ४
अनन्तं विभुं निर्विकल्पं निरीहं शिवं सङ्गहीनं
यदोङ्कारगम्यम् । निराकारमत्युज्ज्वलं मृत्युहीनं परं ब्रह्म नित्यं तदेवाहमस्मि ॥ ५ ५१० बृहत्स्तोत्ररत्नाकरे - प्रथमभाग:
निषेधे कृते नेति नेतीति वाक्यै स्समाधिस्थिता-
नां यदा भाति पूर्णम् । अवस्थात्रयातीतमद्वैतमेकं परं- ब्रह्म नित्यं तदेवाहमस्मि ॥ ६
यदानन्दलेशैस्सदानन्दिविश्वं यदा भाति चान्य-
त्तथा भाति सर्वम् । यदालोचने हेयमन्यत्समस्तं परं ब्रह्म नित्यं तदेवाहमस्मि ॥ ७
यदानन्दसिन्धौ निमग्नः पुमान्स्यादविद्याविला-
सस्समस्तप्रपञ्चः । तदा न स्फुरत्यद्भुतं यन्निमित्तं परं ब्रह्म नित्यं तदेवाहमस्मि ॥ ८ ॥ फलश्रुतिः ॥
स्वरूपानुसन्धानरूपस्तुतिं य: पठेदादराद्भक्ति-
भावो मनुष्यः । शृणोतीह वा नित्यमुद्युक्तचित्तो- भवेद्विष्णुरत्रैव वेदप्रमाणात् ॥ ९
विज्ञाननौकां परिगृह्य कश्चित्तरेद्यवज्ञानमयं भवा-
ब्धिम् । ज्ञानाम्भसा यः परिहृत्य तृष्णां विष्णोः पदं याति स एव धन्यः ॥ १०
इति श्रीमत्परमहंसपरिव्राजक श्रीमच्छङ्कर भगवत्पादाचार्य विरचितं विज्ञाननौकाष्टकम् ॥