"रामायणम्/सुन्दरकाण्डम्/सर्गः १८" इत्यस्य संस्करणे भेदः
< रामायणम् | सुन्दरकाण्डम्
Content deleted Content added
{{Ramayana|सुन्दरकाण्ड}} '''श्रीमद्वाल्मीकियरामायणे सु... नवीन पृष्ठं निर्मीत अस्ती |
(भेदः नास्ति)
|
१४:०१, २३ सेप्टेम्बर् २०११ इत्यस्य संस्करणं
श्रीमद्वाल्मीकियरामायणे सुन्दरकाण्डे अष्टादशः सर्गः ॥५-१८॥
तथा विप्रेक्षमाणस्य वनम् पुष्पितपादपम् | विचिन्वतश्च वैदेहीम् किंचिच्चेषा निशाभवत् || ५-१८-१ षडङ्गवेदविदुषाम् क्रतुप्रवरयाजिनाम् | शुश्राव ब्रह्मघोषान् स विरात्रे ब्रह्मरक्षसाम् || ५-१८-२ अथ मङ्गलवादित्रशब्दैः श्रुतिमनोहरैः | प्रबुध्यत महाबाहुर्दशग्रीवो महाबलः || ५-१८-३ विबुध्य तु यथाकालम् राक्षसेन्द्रः प्रतापवान् | स्रस्तमाल्याम्बरधरो वैदेहीमन्वचिन्तयात् || ५-१८-४ भृशं नियुक्तस्तस्याम् च मदनेन मदोत्कटः | न स तं राक्षसः कामं शशाकात्मनि गूहितुम् || ५-१८-५ स सर्वाभरणैर्युक्तो बिभच्छ्रियमनुत्तमाम् | तां नगैर्बहुभिर्जुष्टाम् सर्वपुष्पफलोपगैः || ५-१८-६ वृतां पुष्करिणीभिश्च नानापुष्पोपशोभिताम् | सदामदैश्च विहगैर्विचित्राम् परमाद्भुताम् || ५-१८-७ ईहामृगैश्च विविधैर्जुष्टां डृष्टिमनोहरैः | वीथीः संप्रेक्षमाणश्च मणिकाञ्चनतोरणाः || ५-१८-८ नानामृगगणाकीर्णां फलैः प्रपतितैर्वृताम् | अशोकवनकामेव प्राविशत्संततद्रुमाम् || ५-१८-९ अङ्गनाशतमात्रं तु तं व्रजन्तमनुव्रजत् | महेन्द्रमिव पौलस्त्यम्ं देवगन्धर्वयोषितः || ५-१८-१० दीपिकाः काञ्चनीः काश्चिज्जगृहुस्तत्र योषितः | वालव्यजनहस्ताश्च तालवृन्तानि चापराः || ५-१८-११ काञ्चनैरपि भृङ्गारैर्जह्रुः सलिलमग्रतः | मण्डलागान् ब्रुसींश्चापि गृह्यान्याः पृष्ठतो ययुः || ५-१८-१२ काचिद्रत्नमयीं स्थालीं पूर्णां पानस्य ब्राजतम् | दक्षिणा दक्षिणेनैव तदा जग्राह पाणिना || ५-१८-१३ राजहंसप्रतीकाशं चत्रं पूर्णशशिप्रभम् | सौवर्णदण्डमपरा गृहीत्वा पृष्ठतो ययौ || ५-१८-१४ निद्रामदपरीताक्ष्यो रावनस्योत्तमाः स्त्रियः | अनुजग्मुः पतिं वीरम् घनम् विद्युल्लता इव || ५-१८-१५ व्याविद्धहारकेयूराः समामृदितवर्णकाः | समागळितकेशान्ताः सस्वेदवदनास्तथा || ५-१८-१६ घोर्णन्त्यो मदशेषेण निद्रया च शुभाननाः | स्वेदक्लिष्टाङ्गकुसुमाः सुमाल्याकुलमूर्धजाः || ५-१८-१७ प्रयान्तं नैरृतपतिं नार्यो मदिरलोचनाः | बहुमानाच्च कामाच्च प्रिया भार्यास्तमन्वयुः || ५-१८-१८ स च कामपराधीनः पतिस्तासां महाबलः | सीतासक्तमना मन्दो मन्दाञ्चितगतिर्बभौ || ५-१८-१९ ततः काञ्चीनिनादं च नूपुराणाम् च निस्वनम् | शुश्राव परमस्त्रीणां स कपिर्मारुतात्मजः || ५-१८-२० तं चाप्रतिमकर्माणमचिन्त्यबलपौरुषम् | द्वारदेशमनुप्राप्तं ददर्श हनुमान् कपिः || ५-१८-२१ दीपिकाभिरनेकाभिः समन्तादवभासितम् | गन्धतैलावसिक्ताभिर्द्रियमाणाभिरग्रतः || ५-१८-२२ कामदर्पमदैर्युक्तं जिह्मताम्रायतेक्षणम् | समक्षमिव कन्दर्पमपविद्धशरासनम् || ५-१८-२३ मथितामृतफेनाभमरजोवस्त्रमुत्तमम् | सलीलमनुकर्षन्तं विमुक्तं सक्तमङ्गदे || ५-१८-२४ तं पत्रविटपे लीनः अत्रपुष्पघनावृतह् | समीपमिव संक्रान्तं निध्यातुमुपचक्रमे || ५-१८-२५ अवेक्षमाणस्तु ततो ददर्श कपिकुञ्जरः | रूपयौवनसंपन्ना रावणस्य वरस्तियः || ५-१८-२६ ताभिः परिवृतो राजा सुरूपाभिर्महायशाः | तस्मृगद्विजसम्घष्टं प्रविष्टः प्रमदावनम् || ५-१८-२७ क्षीबो विचित्राभरणः शङ्कुकर्णो महाबलः | तेन विश्रवसः पुत्रः स दृष्टो राक्षसाधिपः || ५-१८-२८ वृतः परमनारीभिस्ताराभिरिव चन्द्रामाः | तं ददर्श महातेजास्तेजोवन्तं महाकपिः || ५-१८-२९ रावणोऽयम् महाबाहुरिति संचिन्त्य वानरः | अवप्लुतो महातेजा हनुमान्मारुतात्मजः || ५-१८-३० स तथाप्युग्रतेजाः सन्निर्धूतस्तस्य तेजसा | पत्रगुह्यान्तरे सक्तो हनुमान् संवृतोऽभवत् || ५-१८-३१ स तामसितकेशान्तां सुश्रोणीं संहतस्तनीम् | दिदृक्षुरसितापाङ्गमुपावर्तत रावणः || ५-१८-३२
इति वाल्मीकि रामायणे आदि काव्ये सुन्दरकाण्डे अष्टादशः सर्गः ॥५-१८॥