अथर्ववेदः/काण्डं १/सूक्तम् ०४

by सिन्धुद्वीपः।

← सूक्तं १.३

अथर्ववेदः - काण्डं १ सूक्तं १.४ सिन्धुद्वीपः।

सूक्तं १.५ →

दे. (अपांनपात्, सोमः), आपः। गायत्री, ४ पुरस्ताद्बृहती।

अम्बयो यन्त्यध्वभिर्जामयो अध्वरीयताम् ।
पृञ्चतीर्मधुना पयः ॥१॥
अमूर्या उप सूर्ये याभिर्वा सूर्यः सह ।
ता नो हिन्वन्त्वध्वरम् ॥२॥
अपो देवीरुप ह्वये यत्र गावः पिबन्ति नः ।
सिन्धुभ्यः कर्त्वं हविः ॥३॥
अप्स्वन्तरमृतमप्सु भेषजम् ।
अपामुत प्रशस्तिभिरश्वा भवथ वाजिनो गावो भवथ वाजिनीः ॥४॥