"महाभारतम्-01-आदिपर्व-254" इत्यस्य संस्करणे भेदः
Content deleted Content added
(लघु) Bot: adding required templates |
आदिपर्व using AWB |
||
पङ्क्तिः १४:
खाण्डवदाहेऽपि अश्वसेनादीनामदाहस्य वैशंपायनेन कथनम्।। 3 ।।
<table>
<tr><td>
'''वैशंपायन उवाच।''' <td> 1-254-1x
</tr>
<tr><td>
तथा शैलनिपातेन भीषिताः खाण्डवालयाः।<BR>दानवा राक्षसा नागास्तरक्ष्वृक्षवनौकसः।। <td> 1-254-1a<BR>1-254-1b
</tr>
<tr><td>
द्विपाः प्रभिन्नाः शार्दूलाः सिंहाः केसरिणस्तथा।<BR>मृगाश्च महिषाश्चैव शतशः पक्षिणस्तथा।। <td> 1-254-2a<BR>1-254-2b
</tr>
<tr><td>
समुद्विग्ना विससृपुस्तथान्या भूतजातयः।<BR>तं दावं समुदैक्षन्त कृष्णौ चाभ्युद्यतायुधौ।। <td> 1-254-3a<BR>1-254-3b
</tr>
<tr><td>
उत्पातनादशब्देन त्रासिता इव चाभवन्।<BR>ते वनं प्रसमीक्ष्याथ दह्यमानमनेकधा।। <td> 1-254-4a<BR>1-254-4b
</tr>
<tr><td>
कृष्णमभ्युद्यतास्त्रं च नादं मुमुचुरुल्बणम्।<BR>तेन नादेन रौद्रेण नादेन च विभावसोः।। <td> 1-254-5a<BR>1-254-5b
</tr>
<tr><td>
ररास गगनं कृत्स्नमुत्पातजलदैरिव।<BR>ततः कृष्णो महाबाहुः स्वतेजोभास्वरं महत्।। <td> 1-254-6a<BR>1-254-6b
</tr>
<tr><td>
चक्रं व्यसृजदत्युग्रं तेषां नाशाय केशवः।<BR>तेनार्ता जातयः क्षुद्राः सदानवनिशाचराः।। <td> 1-254-7a<BR>1-254-7b
</tr>
<tr><td>
निकृत्ताः शतशः सर्वा निपेतुरनलं क्षणात्।<BR>तत्रादृश्यन्त ते दैत्याः कृष्णचक्रविदारिताः।। <td> 1-254-8a<BR>1-254-8b
</tr>
<tr><td>
वसारुधिरसंपृक्ताः सन्ध्यायामिव तोयदाः।<BR>पिशाचान्पक्षिणो नागान्पशूंश्चैव सहस्रशः।। <td> 1-254-9a<BR>1-254-9b
</tr>
<tr><td>
निघ्नंश्चरति वार्ष्णेयः कालवत्तत्र भारत।<BR>क्षिप्तं क्षिप्तं पुनश्चक्रं कृष्णस्यामित्रघातिनः।। <td> 1-254-10a<BR>1-254-10b
</tr>
<tr><td>
छित्त्वानेकानि सत्वानि पाणिमेति पुनः पुनः।<BR>तथा तु निघ्नतस्तस्य पिशाचोरगराक्षसान्।। <td> 1-254-11a<BR>1-254-11b
</tr>
<tr><td>
बभूव रूपमत्युग्रं सर्वभूतात्मनस्तदा।<BR>समेतानां च सर्वेषां दानवानां च सर्वशः।। <td> 1-254-12a<BR>1-254-12b
</tr>
<tr><td>
विजेता नाभवत्कश्चित्कृष्णपाण्डवयोर्मृधे।<BR>तयोर्बलात्परित्रातुं तं च दावं यदा सुराः।। <td> 1-254-13a<BR>1-254-13b
</tr>
<tr><td>
नाशक्नुवञ्शमयितुं तदाऽभूवन्पराङ्मुखाः।<BR>शतक्रतुस्तु संप्रेक्ष्य विमुखानमरांस्तथा।। <td> 1-254-14a<BR>1-254-14b
</tr>
<tr><td>
बभूव मुदितो राजन्प्रशंसन्केशवार्जुनौ।<BR>निवृत्तेष्वथ देवेषु वागुवाचाशरीरिणी।। <td> 1-254-15a<BR>1-254-15b
</tr>
<tr><td>
शतक्रतुं समाभाष्य महागम्भीरनिःस्वना।<BR>न ते सखा सन्निहितस्तक्षको भुजगोत्तमः।। <td> 1-254-16a<BR>1-254-16b
</tr>
<tr><td>
दाहकाले खाण्डवस्य कुरुक्षेत्रं गतो ह्यसौ।<BR>न च शक्यौ युधा जेतुं कथंचिदपि वासव।। <td> 1-254-17a<BR>1-254-17b
</tr>
<tr><td>
वासुदेवार्जुनावेतौ निबोध वचनान्मम।<BR>नरनारायणावेतौ पूर्वदेवौ दिवि श्रुतौ।। <td> 1-254-18a<BR>1-254-18b
</tr>
<tr><td>
भवानप्यभिजानाति यद्वीर्यौ यत्पराक्रमौ।<BR>नैतौ शक्यौ दुराधर्षौ विजेतुमजितौ युधि।। <td> 1-254-19a<BR>1-254-19b
</tr>
<tr><td>
अपि सर्वेषु लोकेषु पुराणावृषिसत्तमौ।<BR>पूजनीयतमावेतावपि सर्वैः सुरासुरैः।। <td> 1-254-20a<BR>1-254-20b
</tr>
<tr><td>
यक्षराक्षसगन्धर्वनरकिन्नरपन्नगैः।<BR>तस्मादितः सुरैः सार्धं गन्तुमर्हसि वासव।। <td> 1-254-21a<BR>1-254-21b
</tr>
<tr><td>
दिष्टं चाप्यनुपश्यैतत्खाण्डवस्य विनाशनम्।<BR>इति वाक्यमुपश्रुत्य तथ्यमित्यमरेश्वरः।। <td> 1-254-22a<BR>1-254-22b
</tr>
<tr><td>
क्रोधामर्षौ समुत्सृज्य संप्रतस्थे दिवं तदा।<BR>तं प्रस्थितं महात्मानं समवेक्ष्य दिवौकसः।। <td> 1-254-23a<BR>1-254-23b
</tr>
<tr><td>
सहिताः सेनया राजन्ननुजग्मुः पुरन्दरम्।<BR>देवराजं तदा यान्तं सह देवैरवेक्ष्य तु।। <td> 1-254-24a<BR>1-254-24b
</tr>
<tr><td>
वासुदेवार्जुनौ वीरौ सिंहनादं विनेदतुः।<BR>देवराजे गते राजन्प्रहृष्टौ केशवार्जुनौ।। <td> 1-254-25a<BR>1-254-25b
</tr>
<tr><td>
निर्विशङ्कं वनं वीरौ दाहयामासतुस्तदा।<BR>स मारुत इवाभ्राणि नाशयित्वाऽर्जुनः सुरान्।। <td> 1-254-26a<BR>1-254-26b
</tr>
<tr><td>
व्यधमच्छरसङ्घातैर्देहिनः खाण्डवालयान्।<BR>न च स्म किंचिच्छक्नोति भूतं निश्चरितुं ततः।। <td> 1-254-27a<BR>1-254-27b
</tr>
<tr><td>
संछिद्यमानमिषुभिरस्यता सव्यसाचिना।<BR>नाशक्नुवंश्च भूतानि महान्त्यपि रणेऽर्जुनम्।। <td> 1-254-28a<BR>1-254-28b
</tr>
<tr><td>
निरीक्षितुममोघास्त्रं योद्धुं चापि कुतो रणे।<BR>शतं चैकेन विव्याध शतेनैकं पतत्रिणाम्।। <td> 1-254-29a<BR>1-254-29b
</tr>
<tr><td>
व्यसवस्तेऽपतन्नग्नौ साक्षात्कालहता इव।<BR>न चालभन्त ते शर्म रोधःसु विषमेषु च।। <td> 1-254-30a<BR>1-254-30b
</tr>
<tr><td>
पितृदेवनिवासेषु सन्तापश्चाप्यजायत।<BR>भूतसङ्घाश्च बहवो दीनाश्चक्रुर्महास्वनम्।। <td> 1-254-31a<BR>1-254-31b
</tr>
<tr><td>
रुरुदुर्वारणाश्चैव तथा मृगतरक्षवः।<BR>तेन शब्देन वित्रेसुर्गङ्गोदधिचरा झषाः।। <td> 1-254-32a<BR>1-254-32b
</tr>
<tr><td>
विद्याधरगणाश्चैव ये च तत्र वनौकसः।<BR>न त्वर्जुनं महाबाहो नापि कृष्णं जनार्दनम्।। <td> 1-254-33a<BR>1-254-33b
</tr>
<tr><td>
निरीक्षितुं वै शक्नोति कश्चिद्योद्धुं कुतः पुनः।<BR>एकायनगता येऽपि निष्पेतुस्तत्र केचन।। <td> 1-254-34a<BR>1-254-34b
</tr>
<tr><td>
राक्षसा दानवा नागा जघ्ने चक्रेण तान्हरिः।<BR>ते तु भिन्नशिरोदेहाश्चक्रवेगाद्गतासवः।। <td> 1-254-35a<BR>1-254-35b
</tr>
<tr><td>
पेतुरन्ये महाकायाः प्रदीप्ते वसुरेतसि।<BR>समांसरुधिरौधैश्च वसाभिश्चापि तर्पितः।। <td> 1-254-36a<BR>1-254-36b
</tr>
<tr><td>
उपर्याकाशगो भूत्वा विधूमः समपद्यत।<BR>दीप्ताक्षो दीप्तजिह्वश्च संप्रदीप्तमहाननः।। <td> 1-254-37a<BR>1-254-37b
</tr>
<tr><td>
दीप्तोर्ध्वकेशः पिङ्गाक्षः पिबन्प्राणभृतां वसाम्।<BR>तां स कृष्णार्जुनकृतां सुधां प्राप्य हुताशनः।। <td> 1-254-38a<BR>1-254-38b
</tr>
<tr><td>
बभूव मुदितस्तृप्तः परां निर्वृतिमागतः।<BR>तथाऽसुरं मयं नाम तक्षकस्य निवेशनात्।। <td> 1-254-39a<BR>1-254-39b
</tr>
<tr><td>
विप्रद्रवन्तं सहसा ददर्श मधुसूदनः।<BR>तमग्निः प्रार्थयामास दिधक्षुर्वातसारथिः।। <td> 1-254-40a<BR>1-254-40b
</tr>
<tr><td>
शरीरवाञ्जटी भूत्वा नदन्निव बलाहकः।<BR>विज्ञाय दानवेन्द्राणां मयं वै शिल्पिनां वरम्।। <td> 1-254-41a<BR>1-254-41b
</tr>
<tr><td>
जिघांसुर्वासुदेवस्तं चक्रमुद्यम्य धिष्ठितः।<BR>स चक्रमुद्यतं दृष्ट्वा दिधक्षन्तं च पावकम्।। <td> 1-254-42a<BR>1-254-42b
</tr>
<tr><td>
अभिधावार्जुनेत्येवं मयस्त्राहीति चाब्रवीत्।<BR>तस्य भीतस्वनं श्रुत्वा मा भैरिति धनंजयः।। <td> 1-254-43a<BR>1-254-43b
</tr>
<tr><td>
प्रत्युवाच मयं पार्थो जीवयन्निव भारत।<BR>तं न भेतव्यमित्याह मयं पार्थो दयापरः।। <td> 1-254-44a<BR>1-254-44b
</tr>
<tr><td>
तं पार्थेनाभये दत्ते नमुचेर्भ्रातरं मयम्।<BR>न हन्तुमैच्छद्दाशार्हः पावको न ददाह च।। <td> 1-254-45a<BR>1-254-45b
</tr>
<tr><td>
तद्वनं पावको धीमान्दिनानि दश पञ्च च।<BR>ददाह कृष्णपार्थाभ्यां रक्षितः पाकशासनात्।। <td> 1-254-46a<BR>1-254-46b
</tr>
<tr><td>
तस्मिन्वने दह्यमाने षडग्निर्न ददाह च।<BR>अश्वसेनं मयं चैव चतुरः शार्ङ्गकांस्तथा।। <td> 1-254-47a<BR>1-254-47b
</tr>
<tr><td>
।। इति श्रीमन्महाभारते आदिपर्वणि <br>मयदर्शनपर्वणि <br>चतुःपञ्चाशदधिकद्विशततमोऽध्यायः।। 254 ।। <td>
</tr></table>
{{footer
| previous = [[महाभारतम्-01-आदिपर्व-253|आदिपर्व-253]]
| next = [[महाभारतम्-01-आदिपर्व-255|आदिपर्व-255]]
}}
[[वर्गः:आदिपर्व]]
|