| ← सूक्तं ६.०४५ | अथर्ववेदः - काण्डं ६ सूक्तं ६.०४६ अङ्गिराः प्रचेता, यमश्च। |
सूक्तं ६.०४७ → |
| दे. दुःष्वप्ननाशनम्। १ विष्टारपङ्क्तिः, २ त्र्यवसाना शक्वरीगर्भा पञ्चपदा जगती, ३ अनुष्टुप्। |
यो न जीवोऽसि न मृतो देवानाममृतगर्भोऽसि स्वप्न ।
वरुणानी ते माता यमः पिताररुर्नामासि ॥१॥
विद्म ते स्वप्न जनित्रं देवजामीनां पुत्रोऽसि यमस्य करणः ।
अन्तकोऽसि मृत्युरसि तं त्वा स्वप्न तथा सं विद्म स नः स्वप्न दुष्वप्न्यात्पाहि ॥२॥
यथा कलां यथा शफं यथर्णं संनयन्ति ।
एवा दुष्वप्न्यं सर्वं द्विषते सं नयामसि ॥३॥
सम्पाद्यताम्
टिप्पणी
६.४६.१ वरुणानी ते माता यमः पिताररुर्नामास