महाभारतम्-04-विराटपर्व-056
| ← विराटपर्व-055 | महाभारतम् चतुर्थपर्व महाभारतम्-04-विराटपर्व-056 वेदव्यासः |
विराटपर्व-057 → |
| महाभारतस्य पर्वाणि |
|---|
अर्जुनेनोत्तरंप्रति द्रोणकर्णादिरथानामसाधारणध्वजचिह्नप्रदर्शनपूर्वकं तत्तन्नामनिर्देशेन तत्तत्पराक्रमवर्णनम् ।। 1 ।।
वैशंपायन उवाच। | 4-56-1x |
ततस्त्रीणि सहस्राणि रथानां च धनुष्मताम्। | 4-56-1a 4-56-1b |
कर्णो रथसहस्रेण प्रत्यगृह्णाद्धनञ्जयम्। | 4-56-2a 4-56-2b |
तथा रथसहस्रेण भ्रातृभिः परिवारितः। | 4-56-3a 4-56-3b |
अतिष्ठन्निवकाशेषु पादाताः सह वाजिभिः । | 4-56-4a 4-56-4b |
तानि दृष्ट्वा ह्यनीकानि विततानि महात्मनाम् । | 4-56-5a 4-56-5b |
जाम्बूनदमयी वेदी ध्वजाग्रे यस्य दृश्यते। | 4-56-6a 4-56-6b |
आचार्यो निपुणो धीमान्ब्रह्मविच्छूरसत्तमः। | 4-56-7a 4-56-7b |
सुप्रसन्नो महावीरः कुरुष्वैनं प्रदक्षिणम्। | 4-56-8a 4-56-8b |
यदि मे प्रहरेद्द्रोणः शरीरे मे प्रहृष्यतः । | 4-56-9a 4-56-9b |
4-56-9 शरीरे प्रहरिष्यतः इति नान्यया युद्धमस्ति मे इति चo धo पाठः ।। 9 ।।
भारताचार्यमुख्येन ब्राह्मणेन महात्मना ।
तेन मे युध्यमानस्य मन्दं वाहय सारथे ।। 4-56-10a
4-56-10b
ध्वजाग्रे सिंहलाङ्गूलो दिक्षु सर्वासु शोभते ।
भारताचार्यपुत्रस्तु सोऽश्वत्थामा विराजते ।। 4-56-11a
4-56-11b
ध्वजाग्रं दृश्यते यत्र बालसूर्यसमप्रभम् ।
दुर्जयः सर्वसैन्यानां देवैरपि सवासवैः ।
तेन मे युध्यमानस्य मन्दं वाहय सारथे ।। 4-56-12a
4-56-12b
4-56-12c
ध्वजाग्रे गोवृषो यस्य काञ्चनोऽभिविराजते ।
आचार्यवरमुख्यस्तु कृप एष महारथः ।। 4-56-13a
4-56-13b
द्रोणेन च समो वीर्ये पितुर्मे परमः सखा।
तेन मे युध्यमानस्य मन्दं वाहय सारथे ।। 4-56-14a
4-56-14b
यस्य काञ्चनकम्बूभिर्हस्तिकक्ष्यापरिष्कृतः।
ध्वजः प्रकाशते दूराद्रथे विद्युद्गणोपमः ।। 4-56-15a
4-56-15b
एष वैकर्तनः कर्णः प्रतिमानं धनुष्मताम्।
दृढवैरी सदाऽस्माकं नित्यं कटुकभाषणः ।। 4-56-16a
4-56-16b
यस्याश्रयबलादेव धार्तराष्ट्रः ससौबलः ।
अस्मान्निरस्य राज्याच्च पुनरद्यापि योत्स्यति ।। 4-56-17a
4-56-17b
एष वै स्पर्धते नित्यं मया सह सुदुर्जयः ।
जामदग्न्यस्य रामस्य शिष्यो ह्येष महारथः ।। 4-56-18a
4-56-18b
सर्वास्त्रकुशलः कर्णः सर्वशस्त्रभृतांवरः ।
युद्धेऽप्रतिमवीर्यश्च दृढवेधी पराक्रमी ।। 4-56-19a
4-56-19b
अद्याहं युद्धमेतेन करिष्ये सूतबन्धुना।
द्रष्टा त्वमावयोर्युद्धं बलिवासवयोरिव ।। 4-56-20a
4-56-20b
महारथेन शूरेण सूतपुत्रेण धन्विना।
तेन मे युध्यमानस्य शीघ्रं वाहय सारथे ।। 4-56-21a
4-56-21b
यस्य चैव रथोपस्थे नागो मणिमयो ध्वजः ।
एष दुर्योधनस्तत्र कौरवो यशसा वृतः ।। 4-56-22a
4-56-22b
लब्धलक्षो दृढं वेधी लघुहस्तः प्रतापवान् ।
तेन मे युध्यमानस्य शीघ्रं वाहय सारथे ।। 4-56-23a
4-56-23b
यस्तु श्वेतावदातेन पञ्चतालेन केतुना ।
वैडूर्यमयदण्डेन तालवृक्षेण राजते ।। 4-56-24a
4-56-24b
हस्तावापी बृहद्धन्वा सेनां तिष्ठति हर्षयन् ।
रामेण जामदग्न्येन द्वैरथेनाजितः पुरा ।। 4-56-25a
4-56-25b
शीघ्रश्च लगुवेधी च लघुहस्तः प्रतापवान् ।
एष शान्तनवो भीष्मः सर्वेषां नः पितामहः ।। 4-56-26a
4-56-26b
ककुदः सर्वसैन्यानां सर्वशस्त्रभृतांवरः ।
जयश्रियाऽवबद्धस्तु सुयोधनवशानुगः ।
पश्चादेष प्रयातव्यो न मे विघ्नकरो भवेत् ।। 4-56-27a
4-56-27b
4-56-27c
इत्येतांस्त्वरितः पार्थः कथयित्वा तु चोत्तरे।
रूपतश्चिह्नतश्चैव युद्धाय त्वरते पुनः ।। 4-56-28a
4-56-28b
।। इति श्रीमन्महाभारते विराटपर्वणि
गोग्रहणपर्वणि षट्पञ्चाशोऽध्यायः ।। 56 ।।
| विराटपर्व-055 | पुटाग्रे अल्लिखितम्। | विराटपर्व-057 |