महाभारतम्-05-उद्योगपर्व-024

महाभारतम्
पञ्चमपर्व
महाभारतम्-05-उद्योगपर्व-024
वेदव्यासः

महाभारतस्य पर्वाणि

सञ्जयेन युधिष्ठिरप्रश्नानामुत्तरदानपूर्वकं धृतराष्ट्रसन्देशश्रवणविधानम् ।। 1 ।।

सञ्जय उवाच।	5-24-1x
यथाऽऽत्थ मे पाण्डव तत्तथैव कुरून्कुरुश्रेष्ठ जनं च पृच्छसि। अनामयास्तात मनस्विनस्ते कुरुश्रेष्ठान्पृच्छसि पार्थ यांस्त्वम् ।।	5-24-1a 5-24-1b 5-24-1c 5-24-1d
सन्त्येव वृद्धाः साधवो धार्तराष्ट्रे सन्त्येव पापाः पाण्डव तस्य विद्धि। दद्याद्रिपुभ्योऽपि हि धार्तराष्ट्रः कुतो दायांल्लोपयेद्ब्राह्मणानाम् ।।	5-24-2a 5-24-2b 5-24-2c 5-24-2d
यद्युष्मासु वर्ततेऽसावधर्म्य- मद्रुग्धेषु द्रुग्धवत्तन्न साधु। मित्रध्रुक् स्याद्धृतराष्ट्रस्य पुत्रो युष्मान्द्विपन्साधुवृत्तानसाधुः ।।	5-24-3a 5-24-3b 5-24-3c 5-24-3d
स चापि जानाति भृशं च तप्यते शोचत्यन्तः स्थविरोऽजातशत्रो। शृणोति हि ब्राह्मणानां समेत्य मित्रद्रोहः पातकेभ्यो यरीयान् ।।	5-24-4a 5-24-4b 5-24-4c 5-24-4d
स्मरन्ति तुभ्यं नरदेव सङ्गमे युद्धे च जिष्णोश्च युधां प्रणेतुः। समुद्धुष्टे दुन्दुभिशङ्खशब्दे गदापाणिं भीमसेनं स्मरन्ति ।।	5-24-5a 5-24-5b 5-24-5c 5-24-5d
माद्रीसुतौ चापि तथाऽऽजिमध्ये सर्वा दिशः संपतन्तौ स्मरन्ति। सेनां वर्षन्तौ शग्वैपरजमं महारथौ समरे दुष्प्रकम्पौ ।।	5-24-6a 5-24-6b 5-24-6c 5-24-6d
समीकुर्याः प्रज्ञयाऽजातशत्रो ।।	5-24-7f
न कामार्थं सन्त्यजेयुर्हि धर्मं पाण्डोः सुताः सर्व एवेन्द्रकल्पाः । त्वमेवैतत्प्रज्ञयाऽजातशत्रो समीकुर्या येन शर्माप्नुयुस्ते ।।	5-24-8a 5-24-8b 5-24-8c 5-24-8d
धार्तराष्ट्राः पाण्डवाः सृञ्जयाश्च ये चाप्यन्ते सन्निविष्टा नरेन्द्राः । यन्मां ब्रवीद्धृतराष्ट्रो निशाया- मजातशत्रो वचनं पिता ते ।।	5-24-9a 5-24-9b 5-24-9c 5-24-9d
सहामात्यः सहपुत्रश्च राजन् समेत्य तां वाचमिमां निबोध ।।	5-24-10a 5-24-10b
।। इति श्रीमन्महाभारते उद्योगपर्वणि सञ्जययानपर्वणि चतुविंशोऽध्यायः ।।

5-24-4 गरीयानिति ...... 5-24-5 ........ 5-24-7 अनागतं अज्ञातं अदृष्टमित्यर्थः ।।

उद्योगपर्व-023

पुटाग्रे अल्लिखितम्।

उद्योगपर्व-025