सामवेदः/कौथुमीया/संहिता/पूर्वार्चिकः/छन्द आर्चिकः/1.1.3 तृतीयप्रपाठकः/1.1.3.3 तृतीया दशतिः

आ व इन्द्र कृविं यथा वाजयन्तः शतक्रतुं | मंहिष्ठं सिञ्च इन्दुभिः || २१४ ||	१अ १छ्
अतश्चिदिन्द्र न उपा याहि शतवाजया | इषा सहस्रवाजया || २१५ ||	२अ २छ्
आ बुन्दं वृत्रहा ददे जातः पृच्छद्वि मातरं | क उग्राः के ह शृण्विरे || २१६ ||	३अ ३छ्
बृबदुक्थं हवामहे सृप्रकरस्नमूतये | साधः कृण्वन्तमवसे || २१७ ||	४अ ४छ्
ऋजुनीती नो वरुणो मित्रो नयति विद्वान् | अर्यमा देवैः सजोषाः || २१८ ||	५अ ५छ्
दूरादिहेव यत्सतोऽरुणप्सुरशिश्वितत् | वि भानुं विश्वथातनत् ||२१९ ||	६अ ६छ्
आ नो मित्रावरुणा घृतैर्गव्यूतिमुक्षतं | मध्वा रजांसि सुक्रतू || २२० ||	७अ ७छ्
उदु त्ये सूनवो गिरः काष्ठा यज्ञेष्वत्नत | वाश्रा अभिज्ञु यातवे || २२१ ||	८अ ८छ्
इदं विष्णुर्वि चक्रमे त्रेधा नि दधे पदं | समूढमस्य पांसुले || २२२ ||	९अ ९छ्