प्रमुखा विकल्पसूचिः उद्घाट्यताम्

सामवेदः/कौथुमीया/संहिता/पूर्वार्चिकः/छन्द आर्चिकः/1.1.1 प्रथमप्रपाठकः/1.1.1.1 प्रथमा दशतिः

अग्न आ याहि वीतये गृणानो हव्यदातये |
नि होता सत्सि बर्हिषि || १ ||

१अ
१छ्

त्वमग्ने यज्ञानां होता विश्वेषां हितः |
देवेभिर्मानुषे जने || २ ||

२अ
२छ्

अग्निं दूतं वृणीमहे होतारं विश्ववेदसं |
अस्य यज्ञस्य सुक्रतुं || ३ ||

३अ
३छ्

अग्निर्वृत्राणि जङ्घनद्द्रविणस्युर्विपन्यया |
समिद्धः शुक्र आहुतः || ४ ||

४अ
४छ्

प्रेष्ठं वो अतिथिं स्तुषे मित्रमिव प्रियं |
अग्ने रथं न वेद्यं || ५ ||

५अ
५छ्

त्वं नो अग्ने महोभिः पाहि विश्वस्या अरातेः |
उत द्विषो मर्त्यस्य || ६ ||

६अ
६छ्

एह्यूषु ब्रवाणि तेऽग्न इत्थेतरा गिरः |
एभिर्वर्धास इन्दुभिः || ७ ||

७अ
७छ्

आ ते वत्सो मनो यमत्परमाच्चित्सधस्थात्|
अग्ने त्वां कामये गिरा || ८ ||

८अ
८छ्

त्वामग्ने पुष्करादध्यथर्वा निरमन्थत |
मूर्ध्नो विश्वस्य वाघतः || ९ ||

९अ
९छ्

अग्ने विवस्वदा भरास्मभ्यमूतये महे |
देवो ह्यसि नो दृशे || १० ||

१०अ
१०छ्

सम्पाद्यताम्