प्रमुखा विकल्पसूचिः उद्घाट्यताम्

सामवेदः/कौथुमीया/संहिता/पूर्वार्चिकः/छन्द आर्चिकः/1.1.4 चतुर्थप्रपाठकः/1.1.4.7 सप्तमी दशतिः

प्रत्यस्मै पिपीषते विश्वानि विदुषे भर |
अरङ्गमाय जग्मयेऽपश्चादध्वने नरः || ३५२ ||

१अ
१छ्

आ नो वयोवयःशयं महान्तं गह्वरेष्ठां महान्तं पूर्विनेष्ठां |
उग्रं वचो अपावधीः || ३५३ ||

२अ
२छ्

आ त्वा रथं यथोतये सुम्नाय वर्तयामसि |
तुविकूर्मिमृतीषहमिन्द्रं शविष्ठ सत्पतिं || ३५४ ||

३अ
३छ्

स पूर्व्यो महोनां वेनः क्रतुभिरानजे |
यस्य द्वारा मनुः पिता देवेषु धिय आनजे || ३५५ ||

४अ
४छ्

यदी वहन्त्याशवो भ्राजमाना रथेष्वा |
पिबन्तो मदिरं मधु तत्र श्रवांसि कृण्वते || ३५६ ||

५अ
५छ्

त्यमु वो अप्रहणं गृणीषे शवसस्पतिं |
इन्द्रं विश्वासाहं नरं शचिष्ठं विश्ववेदसं || ३५७ ||

६अ
६छ्

दधिक्राव्णो अकारिषं जिष्णोरश्वस्य वाजिनः |
सुरभि नो मुखा करत्प्र न आयूंषि तारिषत् ||३५८ ||

७अ
७छ्

पुरां भिन्दुर्युवा कविरमितौजा अजायत |
इन्द्रो विश्वस्य कर्मणो धर्त्ता वज्री पुरुष्टुतः || ३५९ ||

८अ
८छ्