प्रमुखा विकल्पसूचिः उद्घाट्यताम्

सामवेदः/कौथुमीया/संहिता/पूर्वार्चिकः/छन्द आर्चिकः/1.1.4 चतुर्थप्रपाठकः/1.1.4.9 नवमी दशतिः

< सामवेदः‎ | कौथुमीया‎ | संहिता‎ | पूर्वार्चिकः‎ | छन्द आर्चिकः‎ | 1.1.4 चतुर्थप्रपाठकः(1.1.4.9 नवमी दशतिः इत्यस्मात् पुनर्निर्दिष्टम्)


विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे |
क्रत्वे वरे स्थेमन्यामुरीमुतोग्रमोजिष्ठं तरसं तरस्विनं || ३७० ||

१अ
१छ्

श्रत्ते दधामि प्रथमाय मन्यवेऽहन्यद्दस्युं नर्यं विवेरपः |
उभे यत्वा रोदसी धावतामनु भ्यसात्ते शुष्मात्पृथिवी चिदद्रिवः || ३७१ ||

२अ
२छ्

समेत विश्वा ओजसा पतिं दिवो य एक इद्भूरतिथिर्जनानाम्
स पूर्व्यो नूतनमाजिगीषं तं वर्त्तनीरनु वावृत एक इत् ||३७२ ||

३अ
३छ्

इमे त इन्द्र ते वयं पुरुष्टुत ये त्वारभ्य चरामसि प्रभूवसो |
न हि त्वदन्यो गिर्वणो गिरः सघत्क्षोणीरिव प्रति तद्धर्य नो वचः || ३७३ ||

४अ
४छ्

चर्षणीधृतं मघवानमुक्थ्या३मिन्द्रं गिरो बृहतीरभ्यनूषत |
वावृधानं पुरुहूतं सुवृक्तिभिरमर्त्यं जरमाणं दिवेदिवे || ३७४ ||

५अ
५छ्

अच्छा व इन्द्रं मतयः स्वर्युवः सध्रीचीर्विश्वा उशतीरनूषत |
परि ष्वजन्त जनयो यथा पतिं मर्यं न शुन्ध्युं मघवानमूतये || ३७५ ||

६अ
६छ्

अभि त्यं मेषं पुरुहूतमृग्मियमिन्द्रं गीर्भिर्मदता वस्वो अर्णवं |
यस्य द्यावो न विचरन्ति मानुषं भुजे मंहिष्ठमभि विप्रमर्चत || ३७६ ||

७अ
७छ्

त्यं सु मेषं महया स्वर्विदं शतं यस्य सुभुवः साकमीरते |
अत्यं न वाजं हवनस्यदं रथमेन्द्रं ववृत्यामवसे सुवृक्तिभिः || ३७७ ||

८अ
८छ्

घृतवती भुवनानामभिश्रियोर्वी पृथ्वी मधुदुघे सुपेशसा |
द्यावापृथिवी वरुणस्य धर्मणा विष्कभिते अजरे भूरिरेतसा || ३७८ ||

९अ
९छ्

उभे यदिन्द्र रोदसी आपप्राथोषा इव |
महान्तं त्वा महीनां सम्राजं चर्षणीनां |
देवी जनित्र्यजीजनद्भद्रा जनित्र्यजीजनत् ||३७९ ||

१०अ
१०छ्
१०ए

प्र मन्दिने पितुमदर्चता वचो यः कृष्णगर्भा निरहन्नृजिश्वना |
अवस्यवो वृषणं वज्रदक्षिणं मरुत्वन्तं सख्याय हुवेमहि || ३८० ||

११अ
११छ्