| ← सूक्तं ६.०७१ | अथर्ववेदः - काण्डं ६ सूक्तं ६.०७२ ऋषिः - अथर्वाङ्गिराः। |
सूक्तं ६.०७३ → |
| दे. शेपोऽर्कः। १ जगती, २ अनुष्टुप्, ३ भुरिक्।
अन्नम् |
यथासितः प्रथयते वशामनु वपूंषि कृण्वन्न् असुरस्य मायया ।
एवा ते शेपः सहसायमर्कोऽङ्गेनाङ्गं संसमकं कृणोतु ॥१॥
यथा पसस्तायादरं वातेन स्थूलभं कृतम् ।
यावत्परस्वतः पसस्तावत्ते वर्धतां पसः ॥२॥
यावदङ्गीनं पारस्वतं हास्तिनं गार्दभं च यत्।
यावदश्वस्य वाजिनस्तावत्ते वर्धतां पसः ॥३॥