बृहत्संहिता/अध्यायः २०
| ← अध्यायः १९ | बृहत्संहिता अध्यायः २० वराहमिहिरः |
अध्यायः २१ → |
२० ग्रहशृङ्गाटकाध्यायः ।।
यस्यां दिशि दृश्यन्ते विशन्ति ताराग्रहा रविं सर्वे ।
भवति भयं दिशि तस्यां आयुधकोपक्षुधऽआतङ्कैः ।। २०.०१ ।।
चक्रधनुःशृङ्गाटकदण्डपुरप्रासवज्रसंस्थानाः ।
क्षुद्वृष्टिकरा[क्.ऊ.अवृष्टिकरा] लोके समराय च मानवैन्द्राणाम् ।। २०.०२ ।।
यस्मिन्खांशे दृश्या ग्रहमाला दिनकरे दिनान्तगते ।
तत्र +अन्यो भवति नृपः परचक्रौपद्रवश्च महान् ।। २०.०३ ।।
*तस्मिन्न्[क्.यस्मिन्न्] ऋक्षे कुर्युः समागमं तज्जनान्ग्रहा हन्युः ।
*अविभेदिनः[क्.अविभेदनाः] परस्परं अमलमयूखाः शिवास्तेषाम् ।। २०.०४ ।।
ग्रहसंवर्तसमागमसम्मोहसमाजसन्निपातऽख्याः ।
कोशश्चेत्येतेषां अभिधास्ये लक्षणं सफलं ।। २०.०५ ।।
एकऋक्षे चत्वारः सह पौरैर्यायिनो +अथ वा पञ्च ।
संवर्तो नाम भवेत्शिखिराहुयुतः स सम्मोहः ।। २०.०६ ।।
पौरः पौरसमेतो यायी सह यायिना समाजाख्यः ।
यमजीवसङ्गमे +अन्यो यद्यागच्छेत्तदा कोशः ।। २०.०७ ।।
उदितः पश्चादेकः प्राक्चान्यो यदि स सन्निपाताख्यः ।
अविकृततनवः स्निग्धा विपुलाश्च समागमे धन्याः ।। २०.०८ ।।
समौ तु संवर्तसमागमाख्यौ सम्मोहकोशौ भयदौ प्रजानाम् ।
*समाजसंज्ञो सुसमा प्रदिष्टा[क्.समाज्ञः सुसमः प्रदिष्टो] वैरप्रकोपः खलु सन्निपाते ।। २०.०९ ।।