बृहत्संहिता/अध्यायः ३६
| ← अध्यायः ३५ | बृहत्संहिता अध्यायः ३६ वराहमिहिरः |
अध्यायः ३७ → |
३६ गन्धर्वनगरलक्षणाध्यायः ।।
उदगादि पुरोहितनृपबलपतियुवराजदोषदं खपुरम् ।
सितरक्तपीतकृष्णं विप्रऽदीनां अभावाय ।। ३६.०१ ।।
नागरनृपतिजयऽवहं उदग्विदिक्स्थं विवर्णनाशाय ।
शान्तऽशायां दृष्टं सतोरणं नृपतिविजयाय ।। ३६.०२ ।।
सर्वदिगुत्थं सततोथितं च भयदं नरेन्द्रराष्ट्राणाम् ।
चौराटविकान्हन्याद्धूमानलशक्रचापऽभम् ।। ३६.०३ ।।
गन्धर्वनगरं उत्थितं आपाण्डुरं अशनिपातवातकरम् ।
दीप्ते नरेन्द्रमृत्युर्वामे +अरिभयं जयः सव्ये ।। ३६.०४ ।।
अनेकवर्णऽकृति खे प्रकाशते पुरं पताकाध्वजतोरणान्वितम् ।
यदा तदा नागमनुष्यवाजिनां पिबत्यसृग्भूरि रणे वसुन्धरा ।। ३६.०५ ।।