बृहत्संहिता/अध्यायः ५६
| ← अध्यायः ५५ | बृहत्संहिता अध्यायः ५६ वराहमिहिरः |
अध्यायः ५७ → |
५६ वज्रलेपलक्षणाध्यायः ।।
आमं तिन्दुकं आमं कपित्थकं पुष्पं अपि च शाल्मल्याः ।
बीजानि शल्लकीनां धन्वनवल्को वचा चैति ।। ५६.०१ ।।
एतैः सलिलद्रोणः क्वाथयितव्यो +अष्टभागशेषश्च ।
अवतार्यो +अस्य च कल्को द्रव्यैरेतैः समनुयोज्यः ।। ५६.०२ ।।
श्रीवासकरसगुग्गुलुभल्लातककुन्दुरूकसर्जरसैः ।
अतसीबिल्वैश्च युतः कल्को +अयं वज्रलेपऽख्यः ।। ५६.०३ ।।
प्रासादहर्म्यवलभीलिङ्गप्रतिमासु कुड्यकूपेषु ।
सन्तप्तो दातव्यो वर्षसहस्रायुतस्थायी ।। ५६.०४ ।।
लाक्षाकुन्दुरुगुग्गुलुगृहधूमकपित्थबिल्वमध्यानि ।
नाग*फलनिम्ब[क्.बलाफल]तिन्दुकमदनफलमधूकमञ्जिष्ठाः ।। ५६.०५ ।।
सर्जरसरसऽमलकानि चैति कल्कः कृतो द्वितीयो +अयम् ।
वज्राख्यः प्रथमगुणैरयं अपि तेष्वेव कार्येषु ।। ५६.०६ ।।
गोमहिषाजविषाणैः खररोम्णा महिषचर्मगव्यैश्च ।
निम्बकपित्थरसैः सह वज्रतलो[क्.वज्रतरो] नाम कल्को +अन्यः ।। ५६.०७ ।।
अष्टौ सीसकभागाः कांसस्य द्वौ तु रीतिकाभागः ।
मयकथितो योगो +अयं विज्ञेयो वज्रसङ्घातः ।। ५६.०८ ।।