महाभारतम्-16-मौसलपर्व-001
| ← मौसलपर्व | महाभारतम् षोडशपर्व महाभारतम्-16-मौसलपर्व-001 वेदव्यासः |
मौसलपर्व-002 → |
प्रजापालनेन निजनगरे भ्रातृभिः सह सुखनिवासिना युधिष्ठिरेण कदाचनाशुभसूचकोत्पातदर्शनम्।। 1 ।।
ततः कालन्तरे सबलकृष्णानां सर्वयादवानां परस्परं मौसलप्रहारेणि निश्शेषनिधनश्रवणम्।। 2 ।।
| श्रीवेदव्यासाय नमः। | 16-1-1x |
|
नारायणं नमस्कृत्य नरं चैव नरोत्तमम्। देवीं सरस्वतीं व्यासं ततो जयमुदीरयेत्।। | 16-1-1a 16-1-1b |
| वैशम्पायन उवाच। | 16-1-1x |
|
षट्त्रिंशे त्वथ् संप्राप्ते वर्षे कौरवन्दनः। ददर्श विपरीतानि निमित्तानि युधिष्टिरः।। | 16-1-1a 16-1-1b |
|
ववुर्वाताश्च निर्घाता रूक्षाः शर्करवर्षिणः। अपसव्यानि शकुना मण्डलानि प्रचक्रिरे।। | 16-1-2a 16-1-2b |
|
प्रत्यगूहुर्महानद्यो दिशो नीहारसंवृताः। उल्काश्चाङ्गारवर्षिण्यः प्रापतन्गगनाद्भुवि।। | 16-1-3a 16-1-3b |
|
आदित्यो रजसा राजन्समवच्छन्नगनाद्भुवि।। विरश्मिरुदये नित्यं कबन्धैः समलङ्कृतः।। | 16-1-4a 16-1-4b |
|
परिवेषाश्च दृश्यन्ते दारुणाश्च द्रसूर्ययोः। त्रिवर्णाः श्यामरुक्षान्तास्तथा भस्मारुणप्रभाः।। | 16-1-5a 16-1-5b |
|
एते चान्ये च बहव उत्पाता भयसंसिनः। दृश्यन्ते जगतो नाथ दिवमारोढुमिच्छति।। | 16-1-6a 16-1-6b |
|
`यस्य प्रसादाद्धर्मोऽयं कृते यद्वत्कलावपि। पाण्डवाश्च महाभाग युक्तास्तु यशसाऽनघ।।' | 16-1-7a 16-1-7b |
|
कस्य चित्त्वथ कालस्य कुरुराजो विशङ्कितः। शुश्राव वृष्णिचक्रस्य मुसलोत्सादनं कृतम्।। | 16-1-8a 16-1-8b |
|
विमुक्तं वासुदेवं च श्रुत्वा रामं च पाण्डवः। समानीयाब्रवीद्भ्रातृन्कि करिष्याम इत्युत।। | 16-1-9a 16-1-9b |
|
परस्परं समासाद्य ब्रह्मदण्डबलात्कृतान्। वृष्णिन्विनष्टास्ते श्रुत्वा व्यथिताः पाण्डवा भृशम्।। | 16-1-10a 16-1-10b |
|
निधनं वासुदेवस्य समुद्रस्येव शोषणम्। वीरा न श्रद्दधुस्तस्य विनाशं शार्ङ्गधन्वनः।। | 16-1-11a 16-1-11b |
|
मौसलं ते समाश्रित्य दुःखशोकसमन्विताः। विष्ण्णा हतसंकल्पाःकि पाण्डवाः समुपाविशन्।। | 16-1-12a 16-1-12b |
|
।। इति श्रीमन्महाभारते मौसलपर्वणि प्रथमोऽध्यायः।। 1 ।। |
16-1-12 मौसलं मुसलकृतं कदनं समाश्रित्य मनसि धृत्वा।।
| मौसलपर्व | पुटाग्रे अल्लिखितम्। | मौसलपर्व-002 |