महाभारतम्-15-आश्रमवासिकपर्व-035
| ← आश्रमवासिकपर्व-034 | महाभारतम् पञ्चादशपर्व महाभारतम्-15-आश्रमवासिकपर्व-035 वेदव्यासः |
आश्रमवासिकपर्व-036 → |
धृतराष्ट्रधिष्ठिरादिभिर्ष्यासप्रसादोज्जीवितैर्हतपूर्वबन्धुभिः सह सँल्लापादिना यावद्रात्रिसुखविहरणम्।। 1 ।।
| वैशम्पायन उवाच। | 15-35-1x |
|
ततस्ते पुरषश्रेष्ठाः समाजग्मुः परस्परम्। विगतक्रोधमात्सर्याः सर्वे विगतकल्मषाः।। | 15-35-1a 15-35-1b |
|
विधिं परममास्थाय ब्रह्मर्षिविहितं शुभम्। संहृष्टमनसः सर्वे देवलोक इवामराः।। | 15-35-2a 15-35-2b |
|
पुत्रः पित्रा च मात्रा च भार्याश्च पतिभिः सह। भ्रात्रा भ्राता सखा चैव सख्या राजन्समागताः।। | 15-35-3a 15-35-3b |
|
पाण्डवास्तु महेष्वासं कर्णं सौभद्रमेव च। सम्प्रहर्षात्समाजग्मुर्द्रौपदेयांश्चक सर्वशः।। | 15-35-4a 15-35-4b |
|
ततस्ते प्रीयमाणा वै कर्णेन सह पाण्डवाः। समेत्य पृथिवीपाल सौहृदे च स्थिताऽभवन्।। | 15-35-5a 15-35-5b |
|
परस्परं समागम्य योधास्ते भरतर्षभ। मुनेः प्रसादात्ते ह्येवं क्षत्रिया नष्टमन्यवः।। | 15-35-6a 15-35-6b |
|
असौहृदं परित्यज्य सौहृदे पर्यवस्थिताः। एवं समागताः सर्वे गुरुभिर्बान्धवैः सह।। | 15-35-7a 15-35-7b |
|
पुत्रैश्च पुरुषव्याघ्राः कुरवोऽन्ये च पार्थिवाः। तां रात्रिमकिलामेवं विहृत्य प्रीतमानसाः।। | 15-35-8a 15-35-8b |
|
मेनिरे परितोषेण नृपाः स्वर्गसदो यथा। नात्र शोको भयं त्रासो नारतिर्नायशोऽभवत्।। | 15-35-9a 15-35-9b |
|
परस्परं समागम्य योधानां भरतर्षभ। समागतास्ताः पितृभिर्भ्रातृभिः पतिभिः सुतैः। मुदं परमिकां प्राप्य नार्यो दुःखमथात्यजन्।। | 15-35-10a 15-35-10b 15-35-10c |
|
`देवलोकं गता ये च ये च ब्रह्मसदो गताः। ये चापि वारुणं लोकं ये च गोलोकमाश्रिताः।। | 15-35-11a 15-35-11b |
|
तथा वैवस्वतं लोकं ये च यक्षानुपागताः। राक्षसांश्च पिशाचांश्च कुरूंश्चापि तथोत्तरान्।। | 15-35-12a 15-35-12b |
|
विचित्राश्च गतीरन्ये ये प्राप्ताः कर्मभिर्नराः। सर्वे ते तद्वयोरूपवेषास्तत्र समभ्ययुः।।' | 15-35-13a 15-35-13b |
|
एकां रात्रिं विहृत्यैवं ते वीरास्ताश्च योषितः। आमन्त्र्यान्योन्यमाश्लिष्य ततो जग्मुर्यथागतं।। | 15-35-14a 15-35-14b |
|
ततो विसर्जयामास लोकांस्तान्मुनिपुङ्गवः। क्षणेनान्तर्हिताश्चैव प्रेक्षतामेव तेऽभवन्।। | 15-35-15a 15-35-15b |
|
अवगाह्य महात्मानः पुण्यां भागीरथीं नदीम्। सरथाः सध्वजाश्चैव स्वानि वेश्मानि भेजिरे।। | 15-35-16a 15-35-16b |
|
देवलोकं ययुः केचित्केचिद्ब्रह्मसदस्तथा। केचिच्च वारुणं लोकं केचित्कौबेरमाप्नुवन्।। | 15-35-17a 15-35-17b |
|
ततो वैवस्वतं लोकं केचिच्चैवाप्नुवन्नृपाः। राक्षसानां पिशाचानां केचिच्चाप्युत्तरान्कुरून्।। | 15-35-18a 15-35-18b |
|
विचित्रगतयः सर्वे यानवाप्यामरैः सह। आजग्मुस्ते महात्मानः सवाहाः सपदानुगाः।। | 15-35-19a 15-35-19b |
|
गतेषु तेषु सर्वेषु सलिलस्थो महामुनिः। धर्मसीलो महातेजाः कुरूणां हितकृतदा। ततः प्रोवाच ताः सर्वाः क्षत्रिया निहतेश्वराः। | 15-35-20a 15-35-20b 15-35-20c |
|
यायाः पतिकृताँल्लोकानिच्छनति परमस्त्रियः। ता जाह्नवीजलं क्षिप्रमवगाहन्त्वतन्द्रिताः।। | 15-35-21a 15-35-21b |
|
ततस्तस्य वचः श्रुत्वा श्रद्दधाना वराङ्गनाः। श्वशुरं समनुज्ञाप्य विविशुर्जाह्नवीजलम्।। | 15-35-22a 15-35-22b |
|
विमुक्ता मानुषैर्देहैस्ततस्ता भर्तृभिः सह। समाजग्मुस्तदा साध्व्यः सर्वा एवं विशाम्पते।। | 15-35-23a 15-35-23b |
|
एवं क्रमेणि सर्वास्ताः शीलवत्यः पतिव्रताः। प्रविश्य तोयं निर्मुक्ता जग्मुर्भर्तृसलोकताम्।। | 15-35-24a 15-35-24b |
|
दिव्यरूपसमायुक्ता दिव्याभरणभूषिताः। दिव्यमाल्यांबरधरा यथाऽऽसां पतयस्तथा।। | 15-35-25a 15-35-25b |
|
ताः शीलगुणसम्पन्ना विमानस्था गतक्लुमाः। सर्वाः सर्वगुणोपेताः स्वस्थानं प्रतिपेदिरे।। | 15-35-26a 15-35-26b |
|
यस्य यस्य तु यः कामस्तस्मिन्काले बभूव ह। तंतं विसृष्टवान्व्यासो वरदो धर्मवत्सलः।। | 15-35-27a 15-35-27b |
|
तच्छ्रुत्वा नरदेवानां पुनरागमनं नराः। जहृषुर्मुदिताश्चासन्नानादेशगता अपि।। | 15-35-28a 15-35-28b |
|
`ते नष्टभयसङ्कल्पा नरा विगतकल्मषाः। बभूवुः पौरवाःसर्वे तद्दृष्ट्वाऽऽश्चर्यमुत्तमम्।।' | 15-35-29a 15-35-29b |
|
प्रियैः समागमं तेषां यः सम्यक् शृणुयान्नरः। प्रियाणि लभते नित्यमिह च प्रेत्य चैव सः। इष्टबान्धवसंयोगमनायासमनामयम्।। | 15-35-30a 15-35-30b 15-35-30c |
|
यश्चैतच्छ्रावयेद्विद्वान्विदुषो धर्मवित्तमः। स यशः प्राप्नुयाल्लोके परत्र च शुभां गतिम्।। | 15-35-31a 15-35-31b |
|
स्वाध्याययुक्ता मनुजास्तपोयुक्ताश्च भारत। साध्वाचारा दमोपेता दाननिर्धूतकल्मषाः।। | 15-35-32a 15-35-32b |
|
ऋजवः शुचयः शान्ता हिंसानृतविवर्जिताः। आस्तिकाः श्रद्दधानाश्च धृतिमन्तश्च मानवाः। श्रुत्वाऽऽश्चर्यमिदं पर्व ह्यवाप्स्यन्ति परां गतिम्।। | 15-35-33a 15-35-33b 15-35-33c |
|
`पुनस्ते दर्शनं प्राप्ताः पुनश्च परिकीर्तिताः। पुनःपुनः प्रयच्छन्ति शृण्वतामभयं सदा।।' | 15-35-34a 15-35-34b |
|
।। इति श्रीमन्महाभारते आश्रमवासिकपर्वणि पुत्रदर्शनपर्वणि पञ्चत्रिंशोऽध्यायः।। 35 ।। |
| आश्रमवासिकपर्व-034 | पुटाग्रे अल्लिखितम्। | आश्रमवासिकपर्व-036 |