महाभारतम्-02-सभापर्व-088

by वेदव्यासः

← सभापर्व-087

महाभारतम् द्वितीयपर्व महाभारतम्-02-सभापर्व-088 वेदव्यासः

सभापर्व-089 →

सपत्नीभ्रातृकस्य युधिष्ठिरस्य शकुनिना पराजयः।। 1।।

महाभारतम्/सभापर्व

1. 001
2. 002
3. 003
4. 004
5. 005
6. 006
7. 007
8. 008
9. 009
10. 010
11. 011
12. 012
13. 013
14. 014
15. 015
16. 016
17. 017
18. 018
19. 019
20. 020
21. 021
22. 022
23. 023
24. 024
25. 025
26. 026
27. 027
28. 028
29. 029
30. 030
31. 031
32. 032
33. 033
34. 034
35. 035
36. 036
37. 037
38. 038
39. 039
40. 040
41. 041
42. 042
43. 043
44. 044
45. 045
46. 046
47. 047
48. 048
49. 049
50. 050
51. 051
52. 052
53. 053
54. 054
55. 055
56. 056
57. 057
58. 058
59. 059
60. 060
61. 061
62. 062
63. 063
64. 064
65. 065
66. 066
67. 067
68. 068
69. 069
70. 070
71. 071
72. 072
73. 073
74. 074
75. 075
76. 076
77. 077
78. 078
79. 079
80. 080
81. 081
82. 082
83. 083
84. 084
85. 085
86. 086
87. 087
88. 088
89. 089
90. 090
91. 091
92. 092
93. 093
94. 094
95. 095
96. 096
97. 097
98. 098
99. 099
100. 100
101. 101
102. 102
103. 103

शकुनिरुवाच।।	2-88-1x
बहुवित्तं पराजैषीः पाण्डवानां युधिष्ठिर। आचक्ष्व वित्तं कौन्तेय यदि तेऽस्त्यपराजितम्।।	2-88-1a 2-88-1b
युधिष्ठिर उवाच।।	2-88-2x
मम वित्तमसङ्ख्येयं यदहं वेद सौबल। अथ त्वं शकुने कस्माद्वित्तं समनुपृच्छसि।।	2-88-2a 2-88-2b
अयुतं प्रयुतं चैव शङ्कुं पद्मं तथार्बुदम्। खर्वं शङ्खं निखर्वं च महापद्मं च कोटयः।।	2-88-3a 2-88-3b
मध्यं चैव परार्धं च सपरं चात्र पण्यताम्। एतन्मम धनं राजंस्तेन दीव्याम्यहं त्वया।।	2-88-4a 2-88-4b
वैशम्पायन उवाच।।	2-88-5x
एतच्छुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-5a 2-88-5b
युधिष्ठिर उवाच।।	2-88-6x
गवाश्वं बहुधेनूकमसङ्ख्येयमजाविकम्। यत्किञ्चिदनु पर्णाशां प्राक् सिन्धोरपि सौबल। एतन्मम धनं सर्वं तेन दीव्याम्यहं त्वया।।	2-88-6a 2-88-6b 2-88-6c
वैशम्पायन उवाच।।	2-88-7x
एतच्छुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-7a 2-88-7b
युधिष्ठिर उवाच।।	2-88-8x
पुरं जनपदो भूमिरब्राह्मणधनैः सह। अब्राह्मणाश्च पुरुषा राजञ्शिष्टं धनं मम। एतद्राजन्मम धनं तेन दीव्याम्यहं त्वया।।	2-88-8a 2-88-8b 2-88-8c
वैशम्पायन उवाच।।	2-88-9x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-9a 2-88-9b
युधिष्ठिर उवाच।।	2-88-10x
राजपुत्रा इमे राजञ्छोमन्ते यैर्विभूषिताः। कुम्डलानि च निष्काश्च सर्वं राजविभूषणम्। एतन्मम धनं राजंस्तेन दीव्याम्यहं त्वया।।	2-88-10a 2-88-10b 2-88-10c
वैशम्पायन उवाच।।	2-88-11x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-11a 2-88-11b
युधिष्ठिर उवाच।।	2-88-12x
श्यामो युवा लोहिताक्षः सिंहस्कन्धो महाभुजः। नकुलो ग्लह एवैकी विद्ध्येतन्मम तद्धनम्।।	2-88-12a 2-88-12b
शकुनिरुवाच।	2-88-13x
प्रियस्ते नकुलो राजन्राजपुत्रो युधिष्ठिर। अस्माकं वशतां प्राप्तो भूयः केनेह दीव्यसे।।	2-88-13a 2-88-13b
वैशम्पायन उवाच।।	2-88-14x
एवमुक्त्वा तु तानक्षाञ्शकुनिः प्रत्यदीव्यत। जितमित्येव शकुनिर्युधिष्ठिरमभाषत।।	2-88-14a 2-88-14b
युधिष्ठिर उवाच।।	2-88-15x
अयं धर्मान्सहदेवोऽनुशास्ति लोके ह्यस्मिन्पण्डिताख्यां गतश्च। अनर्हता राजपुत्रेण तेन दीव्याम्यहं चाप्रियवत्प्रियेण।।	2-88-15a 2-88-15b 2-88-15c 2-88-15d
वैशम्पायन उवाच।।	2-88-16x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-16a 2-88-16b
शकुनिरुवाच।।	2-88-17x
माद्रीपुत्रौ प्रियौ राजंस्तवेमौ विजितौ मया। गरीयांसौ तु मन्ये भीमसेनधनञ्जयौ।।	2-88-17a 2-88-17b
युधिष्ठिर उवाच।	2-88-18x
अधर्मं चरसे नूनं यो नावेक्षसि वै नयम्। यो नः सुमनसां मूढ विभेदं कर्तुमिच्छसि।।	2-88-18a 2-88-18b
शकुनिरुवाच।।	2-88-19x
गर्ते मत्तः प्रपतते प्रमत्तः स्थाणुमृच्छति। ज्येष्ठो राजन्व्ररिष्ठोऽसि नमस्ते भरतर्षभ।।	2-88-19a 2-88-19b
स्वप्ने तानि न दृश्यन्ते जाग्रतो वा युधिष्ठिर। कितवा यानि दीव्यन्तः प्रलपन्त्युत्कटा इव।।	2-88-20a 2-88-20b
युधिष्ठिर उवाच।।	2-88-21x
यो नः सङ्ख्ये नौरिव पारनेता जेता रिपूणां राजपुत्रस्तरस्वी। अनर्हता लोकवीरेण तेन दीव्याम्यहं शकुने फाल्गुनेन।।	2-88-21a 2-88-21b 2-88-21c 2-88-21d
वैशम्पायन उवाच।।	2-88-22x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-22a 2-88-22b
शकुनिरुवाच।	2-88-23x
अयं मया पाण्डवानां धनिर्धरः पराजितः पाण्डवः सव्यसाची। भीमेन राजन्दयितेन दीव्य यत्कैतवं पाण्डव तेऽवशिष्टम्।।	2-88-23a 2-88-23b 2-88-23c 2-88-23d
युधिष्ठिर उवाच।।	2-88-24x
यो नो नेता यो युधि नः प्रणेता यथा वज्री दानवशत्रुरेकः। तिर्यक्प्रेक्षी सन्नतभ्रूर्महात्मा सिंहस्कन्धो यश्च सदाऽत्यमर्षी।।	2-88-24a 2-88-24b 2-88-24c 2-88-24d
बलेन तुल्यो यस्यप पुमान्न विद्यते गदाभृतामग्र्य इहारिमर्दनः। अनर्हता राजपुत्रेण तेन दीव्याम्यहं भीमसेनेन राजन्।।	2-88-25a 2-88-25b 2-88-25c 2-88-25c
वैशम्पायन उवाच।।	2-88-26x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-26a 2-88-26b
शकुनिरुवाच।	2-88-27x
बहुवित्तं पराजैषीर्भ्रातॄंश्च सहयद्विपान्। आचक्ष्व वित्तं कौन्तेय यदि तेऽस्त्यपराजितम्।।	2-88-27a 2-88-27b
युधिष्ठिर उवाच।।	2-88-28x
अहं विशिष्टः सर्वेषां भ्रातॄणां दयितस्तथा। कुर्यामहं जितः कर्म स्वयमात्मन्युपल्पुते।।	2-88-28a 2-88-28b
वैशम्पायन उवाच।।	2-88-29x
एतच्छ्रुत्वा व्यवसितो निकृतिं समुपाश्रितः। जितमित्येव शकुनिर्युधिष्ठिरमभाषत।।	2-88-29a 2-88-29b
शकुनिरुवाच।	2-88-30x
एतत्पापिष्ठमकरोर्यदात्मानं पराजयेः। शिष्टे सति धने राजन्पाप आत्मपराजयः।।	2-88-30a 2-88-30b
वैशम्पायन उवाच।।	2-88-31x
एवमुक्त्वा मताक्षस्तान् ग्लहे सर्वानवस्थितान्। पराजयल्लोकवीरानुक्त्वा राज्ञां पृथक् पृथक्।।	2-88-31a 2-88-31b
शकुनिरुवाच।।	2-88-32x
अस्ति ते वै प्रिया राजन् ग्लह एकोऽपराजितः। पणस्व कृष्णां पाञ्चालीं तयात्मानं पुनर्जय।।	2-88-32a 2-88-32b
युधिष्ठिर उवाच।।	2-88-33x
नैव ह्रस्वा न महती न कृशा नातिरोहिणी। नीलकुञ्चितकशी च तया दीव्याम्यहं त्वया।।	2-88-33a 2-88-33b
शारदोत्पलपत्राक्ष्या शारदोत्पलगन्धया। शारदोत्पलसेविन्या रूपेण श्रीसमानया।।	2-88-34a 2-88-34b
तथैव स्यादानुशंस्यात्तथ स्याद्रूपसम्पदा। तथा स्याच्छीलसम्पत्त्या यामिच्छेत्पुरुषः स्त्रियम्।।	2-88-35a 2-88-35b
सर्वैर्गुणैर्हि सम्पन्नामनुकूलां प्रियंवदाम्। यादृशीं धर्मकामार्थसिद्धिमिच्छेन्नरः स्त्रियम्।।	2-88-36a 2-88-36b
चरमं संविशति या प्रथमं प्रतिबुध्यते। आगोपालाविपालेभ्यः सर्वं वेद कृताकृतम्।।	2-88-37a 2-88-37b
आभाति पद्मवद्वक्त्रं सस्वेदं मल्लिकेव च। वेदीमध्या दीर्घकेशी ताम्रास्या नातिलोमशा।।	2-88-38a 2-88-38b
तयैवंविधया राजन्पाञ्चाल्याहं सुमध्यमा। ग्लहं दीव्यामि चार्वङ्ग्या द्रौपद्या हन्त सौबल।।	2-88-39a 2-88-39b
वैशम्पायन उवाच।।	2-88-40x
एवमुक्ते तु वचने धर्मराजेन धीमता। धिग्धिगित्येव वृद्धानां सभ्यानां निः सृता गिरः।।	2-88-40a 2-88-40b
चुक्षुभे सा सभा राजन्राज्ञां सञ्जत्रिरे शुचः। भीष्मद्रोणकृपादीनां स्वेदश्च समजायत।।	2-88-41a 2-88-41b
शिरो गृहीत्वा विदुरो गतसत्व इवाभवत्। आस्ते ध्यायन्नधोवक्त्रो निः श्वसन्निव पन्नगः।।	2-88-42a 2-88-42b
`बाह्लीकः सोमदत्तश्च प्रातिपेयश्च सञ्जयः। द्रौणिर्भूरिश्रवाश्चैव युयुत्सुर्धृतराष्ट्रजः। आसुर्वीक्ष्य त्वधोवक्त्रा निश्वसन्त इवोरगाः'।।	2-88-43a 2-88-43b 2-88-43c
धृतराष्ट्रस्तु संहृष्टः पर्यपृच्छत्पुनः पुनः। किं जितं किं जितमिति ह्याकारं नाभ्यरक्षत।।	2-88-44a 2-88-44b
जहर्ष कर्णोऽतिभृशं सह दुःशासनादिभिः। इतरेषां तु सभ्यानां नेत्रेभ्यः प्रापतञ्जलम्।।	2-88-45a 2-88-45b
सौबलस्त्वभिघायैव जितकाशी मदोत्कटः। जितमित्येव तानक्षान्पुररेवान्वपद्यत।।	2-88-46a 2-88-46b
।। इति श्रीमन्महाभारते सभापर्वणि द्यूतपर्वणि अष्टाशीतितमोऽध्यायः।।88।।

2-88-6 पर्णाशा नदी।।

2-88-23 कैतव कितवेभ्य आहर्तव्यं धनम्।। 2-88-46 जितकाशी जयशोभी।।

सभापर्व-087

पुटाग्रे अल्लिखितम्।

सभापर्व-089