महाभारतम्-03-आरण्यकपर्व-104
| ← आरण्यकपर्व-103 | महाभारतम् तृतीयपर्व महाभारतम्-03-आरण्यकपर्व-104 वेदव्यासः |
आरण्यकपर्व-105 → |
अगस्त्येन समुद्रसलिले निपीते देवैर्दैत्यहननम् ।। 1 ।। देवैः पुनरर्णवपूरणाय पीतोदकोत्सर्जनं प्रारिथितेनागस्त्येन तस् स्वेन जीर्णीकरणोक्तौ तदर्थं ब्रह्माणंप्रति प्रार्थनम् ।। 2 ।।
| लोमश उवाच। | 3-104-1x |
|
समुद्रं स समासाद्य वारुणिर्भगवानृषिः। उवाच सहितान्देवानृषींश्चैव समागतान् ।। | 3-104-1a 3-104-1b |
|
एष लोकहितार्थं वै पिबामि वरुणालयम्। भवद्भिर्यदनुष्ठेयं तच्छीघ्रं संविधीयताम् ।। | 3-104-2a 3-104-2b |
|
एतावदुक्त्वा वचनं मैत्रावरुणिरच्युतः। समुद्रमपिबत्क्रुद्धः सर्वलोकस्य पश्यतः ।। | 3-104-3a 3-104-3b |
|
पीयमानं समुद्रं तं दृष्ट्वा सेन्द्रास्तदाऽमराः। विस्मयं परमं जग्मुः स्तुतिभिश्चाप्यपूजयन् ।। | 3-104-4a 3-104-4b |
|
त्वं नस्त्राता विधाता च लोकानां लोकभावन। त्वत्प्रसादात्समुच्छेदं न गच्छेत्सामरं जगत् ।। | 3-104-5a 3-104-5b |
|
स पूज्यमानस्त्रिदशैर्महात्मा गन्धर्वतूर्येषु नदत्सु सर्वशः। दिव्यैश्च पुष्पैरवकीर्यमाणो महार्णवं निःसलिलं चकार ।। | 3-104-6a 3-104-6b 3-104-6c 3-104-6d |
|
दृष्ट्वा कृतंनिःसलिलं महार्णवं सुराः समस्ताः परमप्रहृष्टाः। ्रगृह्य दिव्यानिवरायुधानि तान्दानवाञ्जघ्रुरदीनसत्वाः ।। | 3-104-7a 3-104-7b 3-104-7cप 3-104-7d |
|
ते वध्यमानास्त्रिदशैर्महात्मभि- र्महाबलैर्वेगिभिरुन्नदद्भिः। न सेहिरेवेगवतां महात्मनां वेगं तदा धारयितुं दिवौकसाम् ।। | 3-104-8a 3-104-8b 3-104-8c 3-104-8d |
|
ते वध्यमानास्त्रिदशैर्दानवा भीमनिःस्वनाः। रचक्रु सुतुमुलं युद्धं मुहूर्तमिव भारत ।। | 3-104-9a 3-104-9b |
|
ते पूर्वं तपसा दग्धा मुनिभिर्भावितात्मभिः। यतमानाः परं शक्त्या त्रिदशैर्विनिषूदिताः ।। | 3-104-10a 3-104-10b |
|
तेहेमनिष्काभरणाः कुण्डलाङ्गदधारिणः। निहता बह्वशोभन्त पुष्पिता इव किंशुकाः ।। | 3-104-11a 3-104-11b |
|
हतशेषास्ततः केचित्कालेया मनुजोत्तम। विदार्य वसुधां देवीं पातालतलमास्थिताः ।। | 3-104-12a 3-104-12b |
|
निहतान्दानवान्दृष्ट्वा त्रिदशा मुनिपुह्गवम्। तुष्टुवुर्विविधैर्वाक्यैरिदं वचनमब्रुवन् ।। | 3-104-13a 3-104-13b |
|
त्वत्प्रसादान्महाबाहो लोकैः प्राप्तं महत्सुखम्। त्वत्तेजसा च निहताः कालेयाः क्रूरविक्रमाः ।। | 3-104-14a 3-104-14b |
|
पूरस्व महाबाहो समुद्रं लोकभावन। यत्त्वया सलिलं पीतं तदस्मिन्पुनरुत्सृज ।। | 3-104-15a 3-104-15b |
|
एवमुक्तः प्रत्युवाच भगवान्मुनिपुङ्गवः। `तांस्तदा सहितान्देवानगस्त्यःसपुरन्दरान्' ।। | 3-104-16a 3-104-16b |
|
जीर्णं तद्धि मया तोयमुपायोऽन्यः प्रचिन्त्यताम्। पूरणार्थं समुद्रस्य भवद्भिर्यत्नमास्थितैः ।। | 3-104-17a 3-104-17b |
|
केतच्छ्रुत्वा तु वचनं महर्षेर्भावितात्मनः। विस्मिताश्च विषण्णाश्च बभूवुः सहिताः सुराः ।। | 3-104-18a 3-104-18b |
|
परस्परमनुज्ञाप्यप्रणम्य मुनिपुङ्गवम्। प्रजाः सर्वा महाराज विप्रजग्मुर्यथागतम् ।। | 3-104-19a 3-104-19b |
|
त्रिदशा विष्णुना सार्धमुपजग्मुः पितामहम्। पूरणार्थं समुद्रस्य मन्त्रयित्वा पुनः पुनः ।। | 3-104-20a 3-104-20b |
|
ते धातारमुपागम्य त्रिदशाः सह विष्णुना। ऊचुः प्राञ्जलयः सर्वे सागरस्याभिपूरणम् ।। | 3-104-21a 3-104-21b |
|
।। इति श्रीमन्महाभारते अरण्यपर्वणि तीर्थयात्रापर्वणि चतुरधिकशततमोऽध्यायः ।। 104 ।। |
| आरण्यकपर्व-103 | पुटाग्रे अल्लिखितम्। | आरण्यकपर्व-105 |